தாய்மாமன் தங்க மோதிரம் திட்டத்தில் ஒரு கிராம் தங்கம், ஒரு பைசா வழங்கப்படுகிறதா?- தமிழக அரசு விளக்கம்

தாய்மாமன் தங்க மோதிரம் திட்டம் தொடர்பாக பரவும் தவறான தகவல் குறித்து தகவல் நம்பகத்தன்மை பிரிவு விளக்கம் அளித்துள்ளது.

தாய்மாமன் தங்க மோதிரம் திட்டத்தில் ஒரு கிராம் தங்கம், ஒரு பைசாவுக்கு வழங்கப்படுவதாக இந்திய கம்யூனிஸ்ட் கட்சியின் மூத்த தலைவர் முத்தரசன் தொடர்ந்து பேசி வருகிறார். இந்நிலையில் தாய்மாமன் தங்க மோதிரம் திட்டத்தில் 1 கிராம் தங்கம், 1 பைசாவுக்கு வழங்கப்படுவதாக CPI மூத்த தலைவர் முத்தரசனின் கருத்துக்கு தகவல் நம்பகத்தன்மை பிரிவு விளக்கம் அளித்துள்ளது. 

அதில் தாய்மாமன் தங்க மோதிரம் திட்டத்தில் தங்கத்தின் விலை தனியாகக் கணக்கிடப்படுகிறது ஒரு கிராம் தங்கத்தின் விலையைத் தவிர்த்து, செய்கூலி, சேதாரம், காப்பீடு, போக்குவரத்து, பேக்கிங் மற்றும் BIS தரமுத்திரை போன்ற அனைத்து கூடுதல் கட்டணங்களும் சேர்த்து ரூ.0.01 என நிறுவனங்கள் குறைந்த விலைப்புள்ளியினை அளித்ததால் பணி ஆணை வழங்கப்பட்டுள்ளது. எனவே, 1 கிராம் தங்கத்தின் விலை ரூ.0.01 என்பது தவறான தகவலாகும் எனக் குறிப்பிட்டுள்ளது.