திடீரென முடங்கிய ஐஆர்சிடிசி இணையதளம் - பயணிகள் அவதி!

இந்திய ரயில்வே நிறுவனத்தின் அதிகாரப்பூர்வ இணையதளமான ஐஆர்சிடிசி இணையதளம் முடங்கியதால் பயணிகள் மிகுந்த அவதிக்குள்ளாகினர். 

ரயில்களில் பயணம் செய்ய விரும்பும் பயணிகள் ஐஆர்சிடிசி இணையதளம் மூலமாக ரயில் டிக்கெட்டுகளை முன்பதிவு செய்து பயணம் செய்வது வழக்கம். இந்த நிலையில், இன்று காலை திடீரென இந்திய ரயில்வே நிறுவனத்தின் அதிகாரப்பூர்வ இணையதளமான ஐஆர்சிடிசி இணையதளம் முடங்கியது. இதனால் பயணிகள் முன்பதிவு செய்ய முடியாமல் மிகுந்த அவதிக்குள்ளாகினர். 

ஐஆர்சிடிசி இணையதளம் முடங்கியுள்ள நிலையில், எதனால் முடங்கியது என்பது குறித்த தகவல் எதுவும் வெளியாகவில்லை. இருந்த போதிலும் ஐஆர்சிடிசி இணையதள சர்வரை சரி செய்யும் பணியில் அதிகாரிகள் ஈடுபட்டுள்ளனர்.