"பிரியாணி போடும் வரை அசைவம் சாப்பிடமாட்டேன்”.. அமைச்சர் ராஜ்மோகன் உறுதி..!

By ttn desk Updated: Nov 2, 2026, 12:45 IST

அரசுப் பள்ளி மாணவர்களுக்கு வாரம் ஒருமுறை சிக்கன் பிரியாணி வழங்கும் திட்டம் நடைமுறைக்கு வரும் வரை, தான் அசைவ உணவுகளை (பிரியாணி உட்பட) சாப்பிடப் போவதில்லை என்று பள்ளிக்கல்வித் துறை அமைச்சர் ராஜ்மோகன் சபதம் எடுத்துள்ளார். தீவிர அசைவப் பிரியரான அமைச்சர் ராஜ்மோகன், மாணவர்களுக்கு இந்தப் பிரியாணி போய் சேரும் வரை தான் அசைவம் சாப்பிடுவதில்லை என்ற உறுதியோடு இருப்பதாக லயோலா மணி நேற்று (நவ.1) நடந்த நிகழ்ச்சியில் தெரிவித்துள்ளார்.

சென்னையில் நடந்த அரசு விழாவில் அமைச்சர் ராஜ் மோகன், லயோலா மணி, இயக்குநர் விக்ரமன் உள்ளிட்டோர் கலந்துகொண்டர். அப்போது பேசிய பள்ளி பாடநூல் கழகத் தலைவர் லயோலா மணி, ``திரைப்பட இயக்குநர் விக்ரமன், அரசுப் பள்ளிகளில் வாரந்தோறும் மாணவர்களுக்குச் சிக்கன் பிரியாணி வழங்கப்பட வேண்டும் என்ற கோரிக்கையை முன்வைத்தார்.

இந்த மேடையில் ஒன்றைச் சொல்லிக்கொள்ள விரும்புகிறேன். பள்ளிக்கல்வித் துறை அமைச்சர் ராஜ்மோகன் அசைவ உணவை விரும்பிச் சாப்பிடக்கூடியவர். இருப்பினும், அரசுப் பள்ளி மாணவர்களுக்குச் சிக்கன் பிரியாணி வழங்கும் திட்டத்தைக் தளபதி தலைவர் எந்நாளில் முறைப்படி தொடங்கி வைக்கிறாரோ, அதுவரை தாம் அசைவ உணவைத் தொடப் போவதில்லை என்ற தீவிர முடிவில் இருக்கிறார். தற்போது வரை அவர் சைவ உணவை மட்டுமே உட்கொண்டு வருகிறார்." எனத் தெரிவித்திருக்கிறார்.

#WATCH | "அரசுப் பள்ளிகளில் பிரியாணி போடும் வரை அசைவம் சாப்பிடுவது இல்லை என்ற உறுதியோடு அமைச்சர் ராஜ்மோகன் உள்ளார்" - லயோலா மணி #SunNews | #TVKVijay‌ | #Rajmohan | #Biryani https://t.co/1ZDOLRWZI6
— Sun News (@sunnewstamil) November 2, 2026