உத்தரப் பிரதேசத்தின் சித்ரகூட் மாவட்டத்தில் உள்ளூர் சுற்றுலாத் தலம் ஒன்றிற்கு 17 வயது தோழியுடன் சென்ற 19 வயதுப் பெண், மூன்று பேரால் கூட்டுப் பாலியல் வன்கொடுமைக்கு உள்ளாக்கப்பட்டதாக காவல்துறை தெரிவித்தது.

நீட் மருத்துவ நுழைவுத் தேர்வுக்காகப் படித்து வந்த அந்தப் பெண், மத்தியப் பிரதேசத்தின் சத்னா மாவட்டத்தைச் சேர்ந்தவர். அவர் ராஜஸ்தானில் உள்ள கோட்டாவில் இருக்கும் பயிற்சி மையத்தில் தேர்வுக்குத் தயாராகி வந்தார். சுமார் ஒரு வாரத்திற்கு முன்பு சித்திரகூட்டிற்கு வந்த அவர், உறவினர்களுடன் தங்கியிருந்தார்.

புதன்கிழமை அன்று அவர் தனது தோழியுடன் தேவாங்கனா பள்ளத்தாக்குக்குச் சென்றபோது இந்தச் சம்பவம் நிகழ்ந்தது.

மோட்டார் சைக்கிளை நிறுத்திவிட்டு இருவரும் நடந்து சென்றுகொண்டிருந்தபோது, ​​மூன்று நபர்கள் அவர்களை வனப்பகுதிக்குள் பின்தொடர்ந்து வந்ததாக காவல் கண்காணிப்பாளர் அருண் குமார் சிங் தெரிவித்தார். அவர்கள் இருவரையும் வழிமறித்து, தாக்கியதுடன், அப்பெண்ணை ஒருவர்பின் ஒருவராக பாலியல் வன்கொடுமை செய்தனர்.

"குற்றம் சாட்டப்பட்டவர் அந்தப் பெண்ணை பாலியல் வன்புணர்வு செய்து, பணம் கேட்டு, இருவரையும் மிரட்டிவிட்டுத் தப்பிச் சென்றதாகக் கூறப்படுகிறது. பாதிக்கப்பட்டவர் பின்னர் மருத்துவப் பரிசோதனைக்கு அனுப்பப்பட்டார்," என்று சிங் கூறினார்.

 இது தொடர்பாக வழக்குப்பதிவு செய்யப்பட்டு, சிறப்பு விசாரணை குழு அமைக்கப்பட்டுள்ளது. 2 சந்தேக நபர்களிடம் விசாரணை நடக்கிறது.