போட்டோ எடுக்கும்போது தவறி விழுந்துட்டார்..! காதலுக்காக வருங்கால கணவனை முடித்த பெண்..!

மகாராஷ்டிராவை சேர்ந்த பிரபல தொழிலதிபரின் மகன் கேதன் அகர்வால். இவருக்கும் சியா பிரவீன் கோயல் என்ற இளம் பெண்ணிற்கும் இருவீட்டாரால் திருமணம் நிச்சயிக்கப்பட்டு, அதற்கான ஏற்பாடுகள் தீவிரமாக நடந்து வந்தன. இவர்களது திருமணத்திற்காக புகழ்பெற்ற அரண்மனை ஒன்றில் சுமார் 17 கோடி ரூபாய் செலவில் முன்பதிவுகள் செய்யInternalப்பட்டு, 40 சொகுசு அறைகளும் புக் செய்யப்பட்டிருந்தன. இந்நிலையில், ஜூன் 18 அன்று தனது பிறந்தநாளை கொண்டாட வேண்டும் என கூறி, கேதனை லோகட் கோட்டைப் பகுதிக்கு வருமாறு சியா வற்புறுத்தியுள்ளார். ஆரம்பத்தில் கேதனின் தாய் இதற்கு மறுப்பு தெரிவித்த போதிலும், சியாவின் பிடிவாதத்தால் குடும்பத்தினர் சம்மதித்துள்ளனர்.

பிறந்தநாள் கொண்டாட்டம் மற்றும் போட்டோசூட் நாடகம் கடந்த ஜூன் 19ஆம் தேதி தனது பிறந்தநாளை கொண்டாடிய சியா, அதற்கு முந்தைய நாள் (ஜூன் 18) வருங்கால கணவர் கேதனுடன் இணைந்து திருமணத்திற்கு முந்தைய 'ப்ரீ-வெட்டிங் போட்டோசூட்' (Pre-wedding Photoshoot) நடத்துவதற்காக புனேவில் உள்ள வரலாற்று சிறப்புமிக்க லோகட் கோட்டைக்குச் சென்றுள்ளார். அங்குள்ள மலைப்பகுதியில் தனியாகப் புகைப்படம் எடுக்கலாம் என கேதனை அழைத்துச் சென்ற சியா, திட்டமிட்டபடி அவரை தனியிடத்திற்கு வரவழைத்துள்ளார்.

350 அடி பள்ளத்தில் விழுந்து விபத்து எனப் பரப்பப்பட்ட செய்தி ஜூன் 18 அன்று காலை சுமார் 10:45 மணியளவில், லோகட் கோட்டையின் ஆபத்தான மலைப்பகுதியில் இருந்து கேதன் அகர்வால் எதிர்பாராத விதமாக 350 அடி ஆழமுள்ள பள்ளத்தில் தவறி விழுந்துவிட்டதாகச் சியாவின் தாய், கேதனின் குடும்பத்தினருக்கு அவசரமாகத் தகவல் தெரிவித்துள்ளார். பதறியடித்தபடி குடும்பத்தினர் சம்பவ இடத்திற்கு விரைவதற்குள், உள்ளூர் மக்கள் மற்றும் போலீசாரின் உதவியுடன் சுமார் 3 மணி நேரப் போராட்டத்திற்குப் பிறகு கேதனின் உடல் மீட்கப்பட்டது. ஆனால், அவர் ஏற்கனவே இறந்துவிட்டதாக மருத்துவர்கள் அறிவித்தனர்.

விபத்து மரணத்தில் எழுந்த சந்தேகம் மற்றும் போலீஸ் விசாரணை துவக்கத்தில் இந்தச் சம்பவம் கால் தவறி விழுந்ததால் ஏற்பட்ட ஒரு சாதாரண விபத்து மரணம் என்றே வழக்குப் பதிவு செய்யப்பட்டது. ஆனால், சம்பவ இடத்திலிருந்த சியா கோயலின் பதற்றமான நடவடிக்கைகள் மற்றும் முன்னுக்குப் பின் முரணான பதில்கள் அங்கிருந்த காவல் துறையினருக்குப் பலத்த சந்தேகத்தை ஏற்படுத்தின. இதையடுத்து, சியாவைக் காவல் நிலையம் அழைத்துச் சென்று விசாரணை வளையத்திற்குள் கொண்டு வந்த போலீசார், அவரது மொபைல் போனைப் பறிமுதல் செய்து தீவிர ஆய்வுக்கு உட்படுத்தினர்.

காதலனுடன் சேர்ந்து போட்ட 'ஸ்கெட்ச்' மாட்டியது எப்படி? சியாவின் மொபைல் போனில் இருந்த சமூக வலைத்தளப் பதிவுகள், அழைப்பு விவரங்கள் (Call Logs) மற்றும் தொழில்நுட்பச் சான்றுகளை போலீசார் ஆய்வு செய்தபோது திடுக்கிடும் உண்மைகள் வெளிவந்தன. சியா, ஏற்கனவே சேத்தன் சவுத்ரி (22) என்ற இளைஞரைக் காதலித்து வந்துள்ளார். ஆனால், மகளின் காதலை ஏற்காத பெற்றோர், அவரை வற்புறுத்தி தொழிலதிபர் மகனான கேதனுக்குத் திருமணம் பேசி முடித்துள்ளனர். இந்தத் திருமணத்தை எப்படியாவது நிறுத்த நினைத்த சியா, தனது காதலனுடன் சேர்ந்து கேதனைக் கொலை செய்யச் சதித்திட்டம் தீட்டியுள்ளார்.

238 மணி நேர ரகசியப் பேச்சு மற்றும் 2 முறை தப்பிய மாப்பிள்ளை போலீசாரின் டிஜிட்டல் விசாரணையில், சியாவும் அவரது காதலன் சேத்தனும் கடந்த சில மாதங்களில் மட்டும் 2,004 முறை போனில் பேசியதும், கிட்டத்தட்ட 238 மணி நேரத்தை இந்தச் சதித்திட்டத்திற்காகவே செலவழித்திருப்பதும் கண்டுபிடிக்கப்பட்டது. இதற்கு முன்பாகவே கேதனைக் கொலை செய்ய அவர்கள் போட்ட இரண்டு திட்டங்கள் தோல்வியில் முடிந்து கேதன் உயிர் தப்பியுள்ளார். இறுதியாக, லோகட் கோட்டைப் பகுதிக்கு ஜூன் 18 அன்று தன் காதலன் சேத்தனையும் ரகசியமாக வரவழைத்துள்ளார் சியா.

கம்பிகளுக்குப் பின்னால் வருங்கால மனைவியும் காதலனும் புகைப்படம் எடுப்பது போல கேதனை மலை உச்சிக்கு அழைத்துச் சென்ற சியாவும், அங்கு மறைந்திருந்த அவரது காதலன் சேத்தனும் சேர்ந்து, சற்றும் எதிர்பாராத நேரத்தில் கேதனை 350 அடி ஆழப் பள்ளத்தில் தள்ளிவிட்டுக் கொடூரமாகக் கொலை செய்துள்ளனர். தற்போது சியா கோயல் மற்றும் அவரது காதலன் சேத்தன் சவுத்ரி ஆகிய இருவரையும் புனே போலீசார் கைது செய்துள்ளனர். மேலும், இந்த அதிதிர்ச்சியூட்டும் கொலைச் சதியில் வேறு யாருக்கும் தொடர்பு உள்ளதா என்ற கோணத்தில் போலீசார் விசாரணையைத் தீவிரப்படுத்தியுள்ளனர். திருமணத்திற்கு முன்பே அரங்கேறிய இந்த கொடூரம் மகாராஷ்டிராவில் பெரும் பரபரப்பை ஏற்படுத்தியுள்ளது.