அரசு கல்லூரிகள், அரசு உதவி பெறும் கல்லூரிகள் மற்றும் தனியார் கல்லூரிகளில் பயிலும் பாலிடெக்னிக் மற்றும் பொறியியல் முதலாண்டு மாணவர்களுக்கு 1 ஆண்டுக்கு இலவசமாக கூகுள் ஜெமினி ஏஐ சேவை வழங்கப்படுகிறது.

 

செயற்கை நுண்ணறிவு தொழில்நுட்பம் என்பது வேகமாக வளர்ச்சி அடைந்து வருகிறது. ஒருவர் பல நேரம் எடுத்துகொண்டு செய்யும் வேலைகளை செயற்கை நுண்ணறிவு பயன்பாட்டின் மூலம் ஒரு சில நொடிகளிலேயே செய்ய முடிகிறது. குறிப்பாக கல்வியில் ஏஐ பயன்பாடு சமீபத்தில் அதிகரித்து வருகிறது. வீட்டு பாடத்திற்கு உதவுவது முதல் கணிதம், வரலாறு, கோடிங், லெட்டர் எழுதுவது, இமெயில் எழுதுவது, ரெஸ்யூம் உருவாக்கம் உள்ளிட்ட பல சேவைகளில் ஏஐ அதிகளவில் பயன்படுத்தப்படுகிறது.

கூகுள் ஜெமினி AI எப்படி எல்லாம் பயன்படுத்தலாம்?
கணிதம் அல்லது அறிவியல், வேறு எந்தவிதமான பாடத்தில் இருந்து கேள்விகளுக்கும் விளக்கமாக விடையை அறிந்துகொள்ளலாம்.

• ஆவணங்களில் இருந்து முக்கிய குறிப்புகளை வகுத்து தரும்.
• தேர்விற்கு தயாராக பல தலைப்புகளில் நோட்ஸ் எடுத்து தரும்.
• ஒரு தலைப்பு குறித்து ஆழ்ந்த ஆய்வு செய்து முடிவுகளை ஒழுங்குபடித்தி தரும்.
• presentation செய்ய ஏதுவான சில நொடிகளில் வீடியோ தயார் செய்து தரும்.
• நோட்ஸ் கொண்டு ஆடியோ வடிவில் விளக்கம் உருவாக்கி தரும்.
• படித்ததை எழுதி பார்க்க மாதிரி தேர்வு வினாக்களை உருவாக்கி கொள்ளலாம்.
• எழுதிய கட்டுரையில் பிழைகள் கண்டறிய உதவும்.
• விரிவாக எழுதவும், சுருக்கி எழுதவும் உதவும்.
• இமெயில் அல்லது கடிதம் எழுதி தரும்.
• வீடியோக்கள், புகைப்படங்கள் உருவாக்கிகொள்ளலாம்.

 

இவைமட்டுமின்றி இன்னும் எண்ணற்ற சேவைகளை கூகுள் ஒன் - ஜெமின் ஏஐ மூலம் பெற்றுகொள்ளலாம். 2 TB storage வசதியுடன் மாணவர்களுக்கான ஜெமினி ஒரு வருடத்திற்கு ரூ.19,500 என்ற கட்டணத்தில் வழங்கப்படுகிறது. இருப்பினும் இந்த சேவை மாணவர்களுக்கு 1 வருடம் இலவசமாக வழங்கப்படுகிறது.

மாணவர்களுக்கான இதர சேவைகள்
செயற்கை நுண்ணறிவு மூலம் வேலைவாய்ப்பிற்கான திறன்களை வளர்த்துகொள்ளும் வகையில், ஏஐ தொழில்நுட்பத்தின் அடிப்படை, பயன்பாடு, அட்வாண்ஸ்டு சேவைகள் ஆகியவறை இதன் மூலம் அறிந்துகொள்ளலாம். இவைமட்டுமின்றி ஏஐ தொடர்பான பாடங்கள், தகவல்கள் ஆகியவற்றையும் மாணவர்களுக்கு கூகுள் நிறுவனம் அனுப்பும் என தெரிவிக்கப்பட்டுள்ளது.

பயன்பெறுவது எப்படி?
இந்த வாய்ப்பை பயன்படுத்திகொள்ள விரும்பும் மாணவர்கள் goo.gle/geminifortn என்ற இணையதளத்தில் இணைப்பின் மூலம் பதவு செய்துகொள்ளலாம். இந்த வாய்ப்பு செப்டம்பர் 15-ம் தேதி வரையே வழங்கப்படும் எனவும் தெரிவிக்கப்பட்டுள்ளது.

இதர பாடப்பிரிவு மாணவர்கள் பெறுவது எப்படி?
பொறியியல் மாணவர்கள் மட்டுமின்றி, அனைத்து பாடப்பிரிவு மாணவர்களும் மேல் குறிப்பிட்டுள்ள இணையதளத்தில் 1 வருடத்திற்கு இலவச சேவையை பதிவு செய்து பெற முடியும். மாணவர்கள் அவர்கள் படிக்கும் கல்வி நிறுவனத்தை கொண்டு இத்திட்டத்தின் பயன்பெற தகுதியுள்ளவர்களா என்பதை அறிந்துகொண்டு பயன்படுத்திகொள்ளலாம்.