இல்லத்தரசிகளுக்கு குட் நியூஸ்! குறைந்தது தங்கம் விலை!

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. வாரத்தின் முதல் நாளான திங்கள் கிழமை ஆபரண தங்கத்தின் விலை சவரனுக்கு ரூ.160 உயர்ந்து ஒரு சவரன் ரூ.70,200க்கு விற்பனையானது. நேற்று தங்கத்தின் விலை சவரனுக்கு ரூ.2000 உயர்ந்து ஒரு சவரன் ரூ.72,200க்கு விற்பனை செய்யப்பட்டது. இதேபோல் நேற்று மாலையும் தங்கம் விலை உயர்ந்தது. 

இந்த நிலையில், இன்று தங்கம் விலை குறைந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.200 குறைந்து ஒரு சவரன் ரூ.72,600க்கு விற்பனை செய்யப்பட்டு வருகிறது. இதேபோல் தங்கம் விலை கிராமுக்கு 25 ரூபாய் குறைந்து ஒரு கிராம் ஆபரண தங்கம் ரூ.9,075க்கு விற்பனை செய்யப்பட்டு வருகிறது. வெள்ளி விலை ஒரு கிராம் 111 ரூபாய்க்கு விற்பனை செய்யப்பட்டு வருகிறது.