ஏறிய வேகத்தில் இறங்கிய தங்கம் விலை!

சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.2200 குறைந்து ரூ.72,120க்கு விற்பனை செய்யப்பட்டு வருகிறது.

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. வாரத்தின் முதல் நாளான திங்கள் கிழமை தங்கத்தின் விலை சவரனுக்கு ரூ.560 அதிகரித்து ரூ.72,120க்கு விற்பனையானது. நேற்று  சவரனுக்கு ரூ.2200 அதிகரித்து ரூ.74,320க்கு விற்பனை செய்யப்பட்டது.

இந்த நிலையில், இன்று தங்கம் விலை அதிரடியாக குறைந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.2200 குறைந்து ரூ.72,120க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு ரூ. 275 குறைந்து ஒரு கிராம் தங்கம் ரூ. 9,015-க்கு விற்பனை செய்யப்பட்டு வருகிறது.