அருண் விஜய் திரைப்படங்களில் இடம்பெறும் சண்டைக்காட்சிகளுக்கு அதிக முக்கியத்துவம் கொடுத்து நடிப்பவர். குறிப்பாக உடல் உழைப்பு தேவைப்படும் காட்சிகளில், கதாபாத்திரத்திற்கு ஏற்ற வகையில் தன்னை தயார்படுத்திக்கொள்வதிலும் அவர் கவனம் செலுத்தி வருகிறார்.அதேபோல் ‘இருளன்’ படத்திற்கான சண்டைக்காட்சி படமாக்கப்பட்டபோது, அருண் விஜய்க்கு தொடை பகுதியில் காயம் ஏற்பட்டுள்ளது. இதில் அவரது தொடை தசைநாரில் கிழிவு ஏற்பட்டுள்ளதாக அவர் தெரிவித்துள்ளார்.

அருண் விஜய் கதாநாயகனாக நடிக்கும் "இருளன்" படத்தை இயக்கி வருகிறார் முத்தையா. இவர்கள் இருவரும் முதன்முறையாக இணைந்து பணியாற்றும் படம் இது. சமீபத்தில் இப்படத்தின் டைட்டில் போஸ்டர் வெளியான நிலையில், இதன் படப்பிடிப்பு நடைபெற்று வந்தது. இந்த பட படப்பிடிப்பில் சண்டை காட்சிகள் படமாக்கப்பட்ட போது எதிர்பாராத விதமாக அருண் விஜய்யின் கால் நரம்பு பகுதியில் அடிபட்டு காயம் ஏற்பட்டுள்ளது. இந்த தகவலை நடிகர் அருண் விஜய் வெளியிட்டுள்ளார்.

மேலும், "காயங்கள் காரணமாக வழக்கமாக உடற்பயிற்சி மற்றும் வேலைகளில் தடை ஏற்படுவது மிகவும் வருத்தம் அளிக்கிறது; இருளன் படப்பிடிப்பின் போது எனது தொடை தசை பகுதியில் காயம் ஏற்பட்டுள்ளது, தற்போது அதற்கான சிகிச்சையில் ஈடுபட்டு வருகிறேன்; விளையாட்டில் இதெல்லாம் சகஜம் தான், இன்னும் பலமாக திரும்புவேன்" என்று கூறியுள்ளார்.