"சத்தியபாமாவுக்கு போடும் ஒவ்வொரு வாக்கும் விஜய்க்குத்தான்!" - தாராபுரம் மேடையில் என்.ஆனந்த் பேச்சு!

தாராபுரம் இடைத்தேர்தலையொட்டி நடைபெற்ற தமிழக வெற்றிக் கழகத்தின் தேர்தல் பிரசாரக் கூட்டம் தமிழ்த்தாய் வாழ்த்துடன் தொடங்கியது. பிரசாரக் கூட்டத்தில் முதல்வரும், தவெக தலைவருமான விஜய் உள்ளிட்ட கட்சி நிர்வாகிகள் மற்றும் தொண்டர்கள் பங்கேற்றிருந்த நிலையில், முதலில் தமிழ்த்தாய் வாழ்த்து இசைக்கப்பட்டது. இதனைத் தொடர்ந்து கூட்டத்தின் அடுத்தடுத்த நிகழ்வுகள் தொடங்கின.

பரப்புரை பொதுக்கூட்டத்தில் பேசிய அமைச்சர் ஆனந்த், தாராபுரத்தின் சிறப்புகளை எடுத்துரைத்தார். அப்போது, “தாராபுரம் சாதாரண மண் அல்ல; உழைப்பை விதைத்த மண், வியர்வையைச் சிந்திய மண், நம்பிக்கையை வளர்த்த மண்” என்று அவர் குறிப்பிட்டார். தாராபுரத்தின் உழைப்பையும், அப்பகுதி மக்களின் பங்களிப்பையும் சுட்டிக்காட்டும் வகையில் அமைச்சர் ஆனந்த் தனது உரையில் இவ்வாறு பேசினார்.

பரப்புரை பொதுக்கூட்டத்தில் பேசிய அமைச்சர் செங்கோட்டையன், முதல்வர் விஜயை புகழ்ந்து பேசினார். அப்போது, “நாட்டின் விடிவெள்ளியாக முதல்வர் விஜய் திகழ்கிறார்; முதல்வர் விஜய் போல் இந்தியாவில் யாருமில்லை என்று உச்ச நீதிமன்றமே பாராட்டியுள்ளது” என்று அவர் தெரிவித்தார். தொடர்ந்து, தாராபுரம் தொகுதி மக்களின் பல்வேறு தேவைகளை பட்டியலிட்டு பேசிய செங்கோட்டையன், அந்தக் கோரிக்கைகள் நிறைவேற்றப்படும் என்றும் உறுதியளித்தார்.

 பிரசார பொதுக்கூட்டத்தில் பேசிய அமைச்சர் என்.ஆனந்த், தவெக வேட்பாளர் சத்தியபாமாவுக்கு ஆதரவு கோரி பேசினார். அப்போது, “எழுதி வைத்துக் கொள்ளுங்கள், சத்தியபாமா வெற்றி பெறுவது உறுதி. அவருக்கு செலுத்தும் ஒவ்வொரு வாக்கும் விஜய்க்கு செலுத்தும் வாக்கு. தாராபுரத்தின் அடுத்தகட்ட வளர்ச்சிக்கும், தாராபுரத்தின் வளர்ச்சிக்கும் சத்தியபாமாவை வெற்றி பெறச் செய்யுங்கள்” என்று அவர் தெரிவித்தார்.

 பிரசார பொதுக்கூட்டத்தில் பேசிய அமைச்சர் செங்கோட்டையன், முதல்வர் விஜயை புகழ்ந்து பேசினார். “நாட்டின் விடிவெள்ளியாக விஜய் திகழ்கிறார். நாங்கள் சொல்லவில்லை; உச்சநீதிமன்றத்தில் இரு நீதிபதிகள், ‘இந்தியாவில் இப்படி ஒரு முதல்வர் இல்லை’ என கருத்து தெரிவித்திருக்கிறார்கள்” என்று அவர் குறிப்பிட்டார். தொடர்ந்து, பின்தங்கிய தாராபுரம் பகுதிக்கு விரைவில் குடிநீர் திட்டம் வழங்கப்பட உள்ளதாகவும் செங்கோட்டையன் தெரிவித்தார். மேலும், “இந்தியா வியக்கும் தீர்ப்பாக இரு தொகுதிகளின் முடிவு இருக்கும்” என்றும் அவர் தனது பிரசார உரையில் கூறினார். தாராபுரம் பகுதியில் குடிநீர் தேவைகள் தொடர்ந்து முன்வைக்கப்பட்டு வரும் நிலையில், கூட்டுக்குடிநீர் திட்டங்கள் தொடர்பான பணிகளும் நடைபெற்று வருவது குறிப்பிடத்தக்கது.