“ஒரு தலைப்பட்சமாக செயல்படுவதாக குற்றச்சாட்டு”- தவெக கூட்டத்தில் வாக்குவாதம்

சாத்தூரில் நடைபெற்ற தவெக நிர்வாகிகள் ஆலோசனை கூட்டத்தில் மாவட்டச் செயலாளர் ஒரு தலைப்பட்சமாக செயல்படுவதாக குற்றம் சாட்டி கடும் வாக்குவாதத்தில் ஈடுபட்ட நிர்வாகிகள் கூட்டத்தை விட்டு பாதியிலேயே வெளியேறியதால் பரபரப்பு ஏற்பட்டது.

விருதுநகர் மாவட்டம் சாத்தூரில் தமிழக வெற்றி கழகம் சார்பில் நிர்வாகிகள் கூட்டம் மாலை தனியார் திருமண மஹாலில் நடைபெற்றது. தமிழக வெற்றி கழக விருதுநகர் மத்திய மாவட்ட செயலாளர் சின்னப்பர் தலைமையில் நடைபெற்ற இக்கூட்டத்தில் கலந்து கொண்டு நிர்வாகிகள் மத்திய மாவட்ட செயலாளர் சின்னப்பர் ஒரு தலை பட்சமாக செயல்படுவதாக திடீர் வாக்குவாதத்தில் ஈடுபட்டதால் பரபரப்பு ஏற்பட்டது. மேலும் ஆலோசனை கூட்டத்திற்கு முக்கிய நிர்வாகிகளுக்கு அழைப்பு கொடுக்கவில்லை எனக்கூறி சின்னப்பருடன் நிர்வாகிகள் வாக்குவாதத்தில் ஈடுபட்டனர். தொடர்ந்து வாக்குவாதத்தில் ஈடுபட்ட நிர்வாகிகள் கூச்சலிட்டதால் அங்கு பரபரப்பு ஏற்பட்டது. தொடர்ந்து வாக்குவாதம் முற்றிய நிலையில் மத்திய மாவட்ட செயலாளருக்கு எதிர்ப்பு தெரிவித்த நிர்வாகிகள் பெரும்பாலானோர் கூட்டத்தை புறக்கணித்து வெளியேறியதால் சலசலப்பு ஏற்பட்டது.