#BREAKING ரூ.73,000க்கும் கீழ் குறைந்த தங்கம் விலை.. 

சென்னையில் ஆபரணத் தங்கம் விலை சவரன் ரூ.73 ஆயிரத்திற்கும் கிழ் குறைந்து விற்பனையாகிறது.  

இந்தியாவில் தங்கம் விலை தொடர்ந்து ஏற்ற இறக்கத்துடனேயே இருந்து வருகிறது.  அவ்வப்போது அதிகளவில் உயர்வதும்,  கனிசமாக குறைவதுமாக இருந்தாலும் இந்தியாவில் குறிப்பாக தென்னிந்தியாவில் தங்கத்திற்கான மவுசு அதிகமாக இருப்பதாகவே கூறப்படுகிறது. தங்கத்தை வாங்க மக்கள் அதிக ஆர்வம் காட்டுவதாகவும், தங்கத்தில் முதலீடு செய்வதை பாதுகாப்பான மற்றும்  சிறந்த சேமிப்பாகவும் கருதுகின்றனர். 

அந்தவகையில் ஜூலை மாதம் தொடங்கியதில் இருந்தே தங்கம் விலை அதிரடியாக உயர்ந்தும், அவ்வப்போது குறைந்தும்  வருகிறது. நேற்று முன்தினம்  தங்கம் விலை சவரனுக்கு ரூ.120 உயர்ந்து  ஒரு சவரன் ரூ.73,240க்கும்,  கிராமுக்கு ரூ.15 உயந்து  ஒரு கிராம்  ரூ.9,155க்கும் விற்பனை செய்யப்படது.  அதேபோல் சென்னையில் சில்லறை விற்பனையில் வெள்ளி ஒரு கிராம்  ரூ.127க்கு விற்கப்பட்டது.  தொடர்ந்து நேற்று  ஆபரணத்தங்கம் கிராமுக்கு 10 ரூபாய் குறைந்து  ஒரு கிராம் ரூ.9,145க்கு விற்பனை செய்யப்படுகிறது. அதேபோல் சவரனுக்கு ரூ80 குறைந்து  ஒரு  சவரன் ரூ.73,160க்கும் விற்பனை செய்யப்பட்டது.  

இந்நிலையில் இன்று தங்கம் விலை அதிரடியாக சவரனுக்கு ரூ. 360 குறைந்து, சவரன் ரூ.73,000க்கும் கீழ் குறைந்து விற்பனையாகிறது.  அதன்படி சென்னையில் இன்று  22 கேரட் ஆபரணத்தங்கம் ஒரு சவரன் ரூ.72,800க்கு விற்பனை செய்யப்படுகிறது. கிராமுக்கு  45 ரூபாய்  குறைந்து , ஒரு கிராம் ஆபரணத்தங்கம்  ரூ. 9,100க்கு விற்கப்படுகிறது.