#BREAKING : நாடே எதிர்பார்த்த  வழக்கில் 3 பேரும் குற்றவாளிகள் என தீர்ப்பு! தண்டனை என்ன?

மதுரையை சேர்ந்த மாணவி ஒருவர் கோவையில் படித்து வந்துள்ளார். இவர்  கடந்த ஆண்டு நவம்பர் 2ம் தேதி தன்னுடைய ஆண் நண்பருடன் கோவை விமான நிலையம் பின்புறம் உள்ள பகுதியில் பேசிக் கொண்டிருந்தார். அப்போது, ஆள் நடமாட்டம் இல்லாத இடத்தில் கார் ஒன்று நின்று கொண்டிருந்ததை பார்த்த மூன்று பேர் கொண்ட மர்ம நபர்கள் காரின் அருகே வந்து பார்த்துள்ளனர். அப்போது காரில் உள்ளே ஆண் நண்பரும் கல்லூரி மாணவியும் இருந்ததை பார்த்து, வெளிய வர கூறி உள்ளனர்.

இதனைக் கண்டு அதிர்ச்சி அடைந்த இருவரும் காரின் உள்பகுதியிலேயே இருந்துள்ளனர். பின்னர் மது போதையில் இருந்த மூன்று பேர் கொண்ட மர்ம கும்பல் காரின் கண்ணாடியை உடைத்து ஆண் நண்பரை வெளியே எடுத்து சரமாரியாக தாக்கியது. இதில் அந்த இளைஞர் ரத்த வெள்ளத்தில் சரிந்து மயக்கம் அடைந்தார். கல்லூரி மாணவியை வலுக்கட்டாயமாக இழுத்து சென்று கூட்டு பாலியல் வன்கொடுமை செய்துள்ளனர். இந்த சம்பவம் தமிழக முழுவதும் பெரும் அதிர்வலைகளை ஏற்படுத்தியது.

இந்த சம்பவம் குறித்து கோவை பீளமேடு காவல்துறையினர் வழக்கு பதிவு செய்து விசாரணை மேற்கொண்டனர். விசாரணையில் சதீஷ் அவரது சகோதரர் காளீஸ்வரர் மற்றும் தவசி என்பது தெரியவந்தது.இதனைத் தொடர்ந்து மூன்று பேரையும் காவல்துறையினர் சுட்டு பிடித்தனர்.

இந்த வழக்கு பாதிக்கப்பட்ட மாணவி மற்றும் அவரது ஆண் நண்பர் குடும்ப உறுப்பினர்கள் மற்றும் விசாரணை அதிகாரிகள் உட்பட மொத்தம் 113 சாட்சியங்களிடம் விசாரணை நடந்து முடிந்துள்ளது. ஒரே மாதத்தில் குற்றப்பத்திரிகை தாக்கல் செய்யப்பட்டது.

காவல்துறை மற்றும் பாதிக்கப்பட்டவர்களின் இரு தரப்பினரின் இறுதி கருத்துக்கள் முற்றிலும் முடிந்த நிலையில், குற்றம் சாட்டப்பட்டவர்கள் ஆன சதீஷ் காளீஸ்வரன் மற்றும் தவசி ஆகியோர் கோவை அனைத்து மகளிர் காவல் நிலையத்தில் நேற்று ஆச்சரியப்படுத்தப்பட்டனர். மேலும் அவர்கள் சமர்ப்பித்த வாதங்கள் மற்றும் ஆதாரங்கள் நீதிபதி முன் பரிசளிக்கப்பட்டு முடிந்தது.

இதனைத் தொடர்ந்து இந்த வழக்கின் தீர்ப்பு வரும் ஏழாம் தேதி வெளியிடப்படும் என்று நீதிபதி சுந்தர்ராஜன் உத்தரவிட்டிருந்தார். 

இரு தரப்பு வாதங்களும் நிறைவடைந்த நிலையில் இன்றைய தினம் தீர்ப்பு வழங்கப்படுகிறது. குற்றம்சாட்டப்பட்ட கருப்பசாமி, காளீஸ்வரன், தவசி ஆகிய 3 பேர் மதியம் 2.30 மணிக்கு நீதிமன்றத்திற்கு அழைத்து வரப்பட்டனர். அப்போது கைது செய்யப்பட்ட 3 பேரும் குற்றவாளிகள் என நீதிபதி சுந்தர்ராஜன் தீர்ப்பளித்தார்.தண்டனை விவரங்கள் பிற்பகல் 3 மணிக்கு அறிவிக்கப்படுகிறது.