“விஜய்க்கு வாழ்த்துகள்! சீமான், மு.க.ஸ்டாலினுக்கு ஆழ்ந்த இரங்கல்”- அண்ணாமலை

தமிழ்நாடு அரசியலில் பிரமாண்டமான அறிமுகத்தைப் பெற்றிருக்கும் தவெக தலைவர் விஜய்க்கு வாழ்த்துகள் என பாஜக மாநில முன்னாள் தலைவர் அண்ணாமலை கூறியுள்ளார்.

இதுதொடர்பாக அண்ணாமலை தனது எக்ஸ் தளத்தில், “தமிழ்நாட்டு மக்களின் முடிவை தலைவணங்கி ஏற்றுக் கொள்கிறேன். என் மண்ணில், மக்கள் ஒரே குரலாக வாக்குகளை விலைக்கு வாங்க வேண்டாம், வம்ச அரசியல் வேண்டாம். அரசியலில் ஒரு தலைமுறை மாற்றம் வேண்டும் என யோசித்திருப்பதை கண்டு மகிழ்ச்சி அடைகிறேன். தமிழக அரசியலில் ஒரு பிரம்மாண்டமான அறிமுகத்தைச் செய்திருக்கும் விஜய் அவர்களுக்கு எனது வாழ்த்துகளை தெரிவித்துக்கொள்கிறேன். நீங்கள் செய்ய நினைப்பதைச் செய்ய எல்லாம் வல்ல இறைவன் உங்களுக்குத் துணை நிற்கட்டும். மேலும், அனைத்து NDA வேட்பாளர்களுக்கும், களத்தில் கடுமையான போராட்டம் இருந்தது. வெற்றி பெற்ற அனைவருக்கும் வாழ்த்துக்கள், இந்த முறை வெற்றி பெற முடியாதவர்கள், தொடர்ந்து போராடுவோம். இந்தத் தேர்தலில் ஏற்பட்ட தோல்விக்காக, ஸ்டாலின் அவர்களுக்கும், சீமான் அவர்களுக்கும் எனது ஆழ்ந்த இரங்கல்களைத் தெரிவித்துக்கொள்கிறேன். களத்தில் கடுமையாக உழைக்கும் தொண்டர்களுக்கும் தலைவர்களுக்கும் நன்றி! நல்ல காலம் விரைவில் வரும்!” என குறிப்பிட்டுள்ளார்.