மாமன்னர் மருதுபாண்டியரின் 222வது நினைவு தினம் - அதிமுக சார்பில் மரியாதை

மாமன்னர் மருதுபாண்டியர் அவர்களின் 222வது நினைவு தினம் மற்றும் குருபூஜையையொட்டி, அவரது திருஉருவ சிலைக்கு வருகிற 24ம் தேதி அதிமுக சார்பில் மரியாதை செலுத்தப்படும் என அக்கட்சியின் பொதுச்செயலாளர் எடப்பாடி பழனிசாமி அறிவித்துள்ளார். 
 
இது தொடர்பாக எடப்பாடி பழனிசாமி வெளியிட்டுள்ள அறிக்கையில், மாமன்னர் மருதுபாண்டியர் அவர்களின் 222-ஆவது நினைவு தினம் மற்றும் குருபூஜையையொட்டி 24.10.2023 - செவ்வாய் கிழமை காலை 10 மணியளவில், சிவகங்கை மாவட்டம், திருப்பத்தூரில் அமைந்துள்ள மருதுபாண்டியர் அவர்களுடைய மணிமண்டபத்தில் உள்ள அவரது திருஉருவச் சிலைக்கு அனைத்திந்திய அண்ணா திராவிட முன்னேற்றக் கழகத்தின் சார்பில், தமிழகம் முழுவதும் மாலை அணிவித்து, மலர் தூவி அஞ்சலி செலுத்தப்படும்.