“விஜயின் செயல்பாடு திமுகவின் வெற்றிக்கு உழைப்பதாகவே உள்ளது”- கஸ்தூரி

தீயசக்தி திமுகவின் ஆட்சி அகற்றப்பட வேண்டும் என்று முழங்குகிறார் விஜய். ஆனால், அவரின் செயல்பாடு திமுகவின் வெற்றிக்கு உழைப்பதாகவே உள்ளதாக கஸ்தூரி கூறியுள்ளார்.

இதுதொடர்பாக கஸ்தூரி தனது எக்ஸ் தளத்தில், “திமுகவின் பிரச்சார பீரங்கி-  விஜய். தீயசக்தி திமுகவின் ஆட்சி அகற்றப்பட வேண்டும் என்று முழங்குகிறார் விஜய். ஆனால், அவரின் செயல்பாடு திமுகவின் வெற்றிக்கு உழைப்பதாகவே உள்ளது. ஆந்திராவில் ஜெகன் ஆட்சியை அகற்ற வேண்டும் என்பதற்காக தன்னலமின்றி சந்திரபாபு நாயுடுவுக்கு முழு ஆதரவு கொடுத்தார் பவன் கல்யாண். அதனால் அங்கு மாற்றம் வந்தது.  ஆனால் இங்கோ, அதிமுக பேரை கூட விஜய் சொல்ல தயங்குகிறார். திமுகவை மட்டுமே focus  செய்து பேசி அவர்களுக்கு நல்ல publicity  தேடி தந்து விட்டார். மற்ற நடிகர்களின் தீவிர ரசிகர்கள்,  விஜய்க்கு வலிக்கவேண்டும் என்றால் , திமுகவுக்குத்தான் வாக்களிக்கவேண்டும் என்று யோசிக்க தொடங்கிவிட்டார்கள்.  

மொத்தத்தில்

 1 ) திமுகவுக்கு எதிரான வாக்குகளை பிரித்து 
 2 ) தனக்கு எதிரான வாக்குகளை சிதறாமல் திமுகவுக்கு  கொண்டு  சேர்த்து 
இருவழிகளிலும் திமுகவின் வெற்றிக்கு விஜய் உழைத்திருக்கிறார் என்றுதான் சொல்ல வேண்டும்.
என்ன, இது எல்லாவற்றுக்கும் மேல் மக்களுக்கு திமுக மீது உள்ள கோபம் .... அதனால் எப்படியும் ஆட்சி மாற்றம் நிகழும் என்று நம்ப தோன்றுகிறது. 
நாளை தெரிந்து விடும்- தர்மம் வெல்லும், மக்கள் தீர்ப்பு  மாற்றத்தை தரும் என்று நம்புவோம். 
ஆட்சிக்கு வருவது அதிமுக வோ  தவெக வோ அல்லது இருவரின் கூட்டணியோ, எப்படி இருந்தாலும் மக்கள் மகிழ்ச்சியுடன் ஏற்றுக்கொள்வார்கள்.
ஆனால் மீண்டும் தீயசக்தி தொடருமானால், அதற்கு முழு பொறுப்பு விஜய் தான்” எனக் குறிப்பிட்டுள்ளார்.