"நான் நினைச்சே பார்க்கல.. கையும் ஓடல, காலும் ஓடல! ரொம்ப சந்தோசம்"- முதல்வருக்கு கிங் காங் நன்றி

முதலமைச்சர் சார் என்னுடைய வீட்டிற்கு வந்தது எனக்கு ரொம்பவும் சந்தோஷமாக இருக்கிறது என நடிகர் கிங்காங் கூறியுள்ளார்.

தனது மகள் திருமணத்திற்கு வருகை தந்து வாழ்த்திய முதலமைச்சர் மு.க.ஸ்டாலினுக்கு நன்றி தெரிவித்து வீடியோ வெளியிட்டுள்ள நடிகர் கிங்காங், “எல்லோருக்கும் சென்று மகள் திருமணத்திற்கு பத்திரிக்கை வைத்தேன். அண்ணா அறிவாலயத்திற்கு சென்று முதலமைச்சரை சந்தித்து நேரில் பத்திரிக்கை வைத்தேன். ஆனால் திருமணத்தன்று நான் நினைத்து கூட பார்க்கவில்லை. முதலமைச்சர் வரார் என திடீரென சொன்னதும் எனக்கு கையும் ஓடவில்லை. காலும் ஓடவில்லை. மிகவும் சந்தோசமாக இருந்தது.