5வது ஒருநாள் போட்டி- 22 ரன்கள் வித்தியாசத்தில் நியூசிலாந்தை வீழ்த்தி இந்தியா அபார வெற்றி  

5வது ஒருநாள் போட்டியில் நியூசிலாந்தை 22 ரன்கள் வித்தியாசத்தில் வீழ்த்தி இந்தியா அபார வெற்றி பெற்றது.

முதலில் பேட்டிங் செய்த இந்திய அணிக்கு ஆரம்பமே அதிர்ச்சியாக அமைந்தது. ரோஹித் சர்மா 7 ரன்களிலும், விராட் கோலி 5 ரன்களிலும் வெளியேறினர். ருதுராஜ் கெய்க்வாட் விக்கெட்டையும் இழந்ததால் இந்திய அணி 34 ரன்களுக்குள் 3 விக்கெட்டுகளைப் பறிகொடுத்து தடுமாறியது.

இந்த இக்கட்டான சூழலில் அக்சர் படேல், ஷ்ரேயாஸ் ஐயர் இணைந்து அணியை மீட்டெடுக்க முயன்றனர். இருவரும் நிதானமாக ரன்கள் சேர்த்தாலும், ஷ்ரேயாஸ்  மீண்டும் ஷார்ட் பந்தில் ஆட்டமிழந்தார். அக்சர் படேல் 46 ரன்கள் எடுத்து நம்பிக்கை அளித்தார். அவருக்குப் பிறகு இஷான் கிஷன் பொறுப்புடன் விளையாடி 46 ரன்கள் சேர்த்தார். கடைசி நேரத்தில் அர்ஷ்தீப் சிங், முகமது சிராஜ் அதிரடியாக ரன்கள் சேர்க்க, இந்திய அணியின் ஸ்கோர் 200-ஐ கடந்தது. இறுதியில் இந்திய அணி 42.1 ஓவர்களில் 209 ரன்களுக்கு ஆல் அவுட் ஆனது.

210 ரன்கள் என்ற எளிய இலக்கை நோக்கிக் களமிறங்கிய நியூசிலாந்து அணிக்கு இந்திய வேகப்பந்துவீச்சாளர்கள் கடும் நெருக்கடி கொடுத்தனர். சிராஜ் தனது அனுபவத்தைக் காட்ட, அர்ஷ்தீப் சிங் தொடர்ந்து விக்கெட்டுகளை வீழ்த்தினார். நியூசிலாந்தின் டாப் ஆர்டர் பேட்ஸ்மேன்கள் ஒவ்வொருவராக வெளியேறினர். ஒரு கட்டத்தில் 83 ரன்களுக்குள் 4 விக்கெட்டுகளை இழந்த நியூசிலாந்து அணி, வெற்றிக்கான பாதையில் இருந்து விலகத் தொடங்கியது. அதன்பிறகும் இந்திய பந்துவீச்சாளர்கள் தளரவில்லை. யஷ் தாக்கூர் தனது முதல் ஒருநாள் விக்கெட்டை வீழ்த்தி கவனம் ஈர்த்தார். நமன் திர், அக்சர் படேல் ஆகியோரும் தலா முக்கிய விக்கெட்டுகளை வீழ்த்தினர். கடைசி கட்டத்தில் டிக்னர் போராடியபோதும், இந்தியாவின் கட்டுக்கோப்பான பந்துவீச்சைச் சமாளிக்க முடியவில்லை. இறுதியில் நியூசிலாந்து அணி 187 ரன்களுக்கு அனைத்து விக்கெட்டுகளையும் இழந்தது. இதனையடுத்து இந்தியா 22 ரன்கள் வித்தியாசத்தில் வெற்றி பெற்றது. பேட்டிங்கில் ஏமாற்றம் அளித்தாலும், பந்துவீச்சில் மிரட்டிய இந்திய அணி தொடரை வெற்றியுடன் நிறைவு செய்தது!