’விராட்கோலி -நம்பர் 1; தோனி நம்பர் 26 ஐசிசி தர வரிசைப் பட்டியல்! #ICC_ODI_Ranking

ஐசிசியின் தர வரிசையில் யார் யார் எந்தெந்த இடங்களைப் பிடிக்கிறார்கள் என்பதை கிரிக்கெட் ரசிகர் கூட்டம் கூர்ந்து கவனிக்கும். ரசிகர்க்ள் மட்டுமல்ல கிரிக்கெட் விமர்சகர்களும் வீரர்களைத் தேர்வு செய்யும் நடுவர் குழுவினரும் கவனிப்பர். அந்தளவுக்கு மிக முக்கியமானதாகக் கருதப்படும் ஒன்று.

ஐஐசியின் ஒருநாள் போட்டியின் தர வரிசையில் பேட்டிங் பிரிவில் விராட் கோலி முதலிடத்தைப் பிடித்து அசத்தியிருக்கிறார். 871 பாயின்ட்டுகள் அவர் பெற்றிருக்கிறார்.

அவரை அடுத்து இரண்டாம் இடத்திலும் ஓர் இந்திய வீரர்தான். அவர் சந்தேகமே இல்லை. அதிரடி ஆட்டக்காரர் ரோஹித் ஷர்மா. இவர் பெற்றிருக்கும் பாயின்ட் 855. மூன்றாம் இடத்தில் பாகிஸ்தான் நாட்டின் பாபர் அஸாம், நான்காம் இடத்தில் நியூஸ்லாந்து நாட்டின் ரோஸ் டெய்லரும் இடம்பெற்றிருக்கின்றனர்.

இதில் முதல் 10 இடங்களில் இந்திய வீரர்களில் வேறு யாரும் இடம்பெற வில்லை. 17 –வது இடத்தில் ஷக்கீர் தவானும், 26 – வது இடத்தில் மகேந்திர சிங் தோனியும் இடம்பிடித்துள்ளனர்.

டெஸ்ட் போட்டியின் பேட்டிங் பிரிவில் கோலி இரண்டாம் இடத்திலும் செட்டிஸ்வர் 8-ம் இடத்திலும் ரஹேனா 10-ம் இடத்திலும் உள்ளனர்.

20 ஓவர் போட்டியின் பேட்டிங் பிரிவில், 2-ம் இடத்தில் லோகேஷ் ராகுலும், 10- வது இடத்தில் விராட் கோலியும் உள்ளனர்.

ஒருநாள் போட்டியில் பெளலிங் பிரிவில் முதல் இடத்தில் நியூஸ்லாந்து நாட்டின் ட்ரெண்ட் போல்ட் இடம் பெற்றுள்ளர். இரண்டாம் இடத்தை இந்திய வீரர் பும்ரா பிடித்துள்ளார். அவரைத் தவிர வேறு இந்திய வீரர்கள் யாரும் முதல் 10 இடங்களைப் பிடிக்க வில்லை.

ஒரு நாள் போட்டியின் ஆல்ரவுண்டர் பிரிவில் முதல் பத்து இடங்களில் இடம்பிடித்திருக்கும் ஒரே இந்திய வீரர் ரவிந்திர ஜடேஜா மட்டும்தான். அவர் எட்டாவது இடத்தில் உள்ளார்.

கிரிக்கெட் அணிகளின் தரவரிசையில் ஒருநாள் போட்டிகளின் பிரிவில் ஆஸ்திரேலியா முதலிடத்திலும் இந்தியா இரண்டாம் இடத்திலும் உள்ளது.

டெஸ்ட் போட்டிகளின் பிரிவிலும் ஆஸ்திரேலியா முதல் இடத்தைப் பிடித்துள்ளது நியூஸ்லாந்து இரண்டாம் இடமும் இந்தியா மூன்றாம் இடத்தையும் பிடித்துள்ளன.

20 ஓவர் போட்டிகளின் பிரிவில், ஆஸ்திரேலியா முதலிடத்திலும் இங்கிலாந்து இரண்டாம் இடத்திலும் இந்தியா மூன்றாம் இடத்திலும் உள்ளன.