“என் மரணத்திற்கு மோடியே காரணம்”- கடிதம் எழுதிவைத்துவிட்டு இளைஞர் தற்கொலை

தெலங்கானா மாநிலம் ராஜன்னா சிர்சில்லா மாவட்டத்தில் வாடகை வீட்டில் வசித்துவந்த 25 வயது இளைஞர் ஒருவர் தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

யெல்லாரெட்டிபேட் மண்டலத்தின் ரச்சார்லா கொல்லப்பள்ளி கிராமத்தைச் சேர்ந்தவர் பிட்லா வம்ஷி. 25 வயதான இவர், வீட்டில் கடிதம் ஒன்றை எழுதிவைத்துவிட்டு, தூக்கிட்டு தற்கொலை செய்துகொண்டார்.அந்தக் கடிதத்தில், தனது மரணத்திற்கு பிரதமர் நரேந்திர மோடியே காரணம் என்று அவர் குற்றம் சாட்டியிருந்ததாகக் கூறப்படுகிறது. மேலும், தனது குடும்பத்தினர் வேறு யாரையும் பொறுப்பாக்க வேண்டாம் என்றும், தனது இறுதிச் சடங்குகள் பாரம்பரிய முறைப்படி நடத்தப்பட வேண்டும் என்றும் அந்தக் கடிதத்தில் குறிப்பிடப்பட்டிருந்தது.

காவல்துறையினர் அந்தக் கடிதத்தை ஆதாரமாகக் கைப்பற்றி, சடலத்தை பிரேத பரிசோதனைக்காக சிர்சில்லாவில் உள்ள அரசு மருத்துவமனைக்குக் கொண்டு சென்றனர். வம்ஷி இடைநிலை வரை படித்திருந்ததாகவும், பெயிண்டராகப் பணிபுரிந்ததாகவும் முதற்கட்ட தகவல்கள் தெரிவிக்கின்றன. அவரது தந்தை தினக்கூலித் தொழிலாளியாகப் பணிபுரிகிறார், மேலும் அவர்கள் குடும்பம் மிகழும் ஏழ்மையான குடும்பம் என்றும், கடனில் மூழ்கி இருந்ததாகவும் கூறப்படுகிறது. வம்ஷிக்கு மது அருந்தும் பழக்கம் இருப்பதும் விசாரணையில் தெரியவந்துள்ளது.