சமையல் உப்புக்கு பதில் சோப்புத் தூள் கலந்து சமைக்கப்பட்ட உணவு- 40 மாணவர்கள் மயக்கம்

பீகார் மாநிலம் நாலந்தாவில் உள்ள அரசுப் பள்ளியில், சமையல் உப்புக்கு பதிலாகச் சோப்புத் தூள் கலந்து சமைக்கப்பட்ட மதிய உணவை உண்ட 40-க்கும் மேற்பட்ட மாணவர்கள் திடீரெனக் கடுமையாகப் உடல் நலம் பாதிக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது.

பீகார் பீகாரின் நாலந்தா மாவட்டத்தில் உள்ள பராசி நடுநிலை பள்ளியில் மாணவர்கள் வழக்கம் போல் மதிய உணவுக்காகக் கூடினர். சிறிது நேரத்திலேயே, அவர்களில் பலருக்குத் தலைசுற்றல் ஏற்பட்டு வாந்தி எடுக்கத் தொடங்கியதால், அவர்கள் மருத்துவமனையில் அனுமதிக்கப்பட்டனர். அவர்களின் உடல்நிலை சீராக இருப்பதாக மருத்துவர்கள் தெரிவித்துள்ளனர். பரிந்துரைக்கப்பட்ட உணவுப் பட்டியலின்படி, அன்றைய தினம் சோயாபீன் சாதம் அடங்கிய மதிய உணவு ஒரு தன்னார்வ தொண்டு நிறுவனத்தால் வழங்கப்பட்டதாக முதல்வர் சைலேந்திர குமார் சிங் கூறினார். சில மாணவர்கள் ஏற்கெனவே சாப்பிட்டுக் கொண்டிருந்தபோது, ​​உணவில் உப்பு குறைவாக இருப்பதாக மற்ற மாணவர்கள் புகார் தெரிவித்தனர்.  

சமையலறையில் உப்பு மற்றும் சலவைத்தூள் கொள்கலன்கள் ஒரே இடத்தில் வைக்கப்பட்டிருந்ததாகவும், சமையல்காரர் சலவைத்தூளை உப்பு எனத் தவறாக நினைத்து உணவில் சேர்த்ததாகவும் அப்பகுதி மக்கள் குற்றம் சாட்டினர். உணவை உட்கொண்ட சிறிது நேரத்திலேயே, பல மாணவர்களுக்குத் தலைசுற்றல் ஏற்பட்டு வாந்தி எடுக்கத் தொடங்கினர். ஆரம்பத்தில் அவர்களுக்குப் பள்ளியிலேயே முதலுதவி அளிக்கப்பட்டது, ஆனால் அவர்களின் உடல்நிலையில் முன்னேற்றம் ஏற்படாததால் பின்னர் சதர் மருத்துவமனைக்கு அழைத்து செல்லப்பட்டனர்.