“உனக்கு 20, எனக்கு 67”- முதியவருடன் கட்டாய திருமணம்
வங்காளதேசத்தில் 20 வயது பெண்ணை 67 வயதான முதியவருக்கு கட்டாயப்படுத்தி திருமணம் செய்து வைத்ததாக கூறப்படும் நிலையில், தன்னை காப்பாற்றுமாறு பெண் கதறி அழுத காட்சி இணையத்தில் வைரலாகிவருகிறது.
வங்கதேசத்தைச் சேர்ந்த 20 வயது இந்துப் பெண்ணை, 65 வயது முஸ்லிம் ஆண் ஒருவருக்குக் கட்டாயத் திருமணம் செய்து வைக்கப்படுவதாகக் கூறும் காணொளி ஒன்று தற்போது சமூக வலைதளங்களில் வைரலாகப் பரவி வருகிறது. அந்தக் காணொளியில், அப்பெண் விம்மி விம்மி அழுதுகொண்டே, தன்னைக் காப்பாற்றுமாறு மக்களிடம் கெஞ்சுவதைக் காண முடிகிறது. அப்பெண்ணுக்கு நீதி கிடைக்க, இவ்விவகாரம் குறித்து முழுமையான விசாரணை நடத்தவும், குற்றவாளிகள் மீது கடுமையான நடவடிக்கை எடுக்கவும் நெட்டிசன்கள் கோரிக்கை விடுத்துள்ளனர்.
இந்தக் காணொளி எப்போது, எங்கே எடுக்கப்பட்டது, அதில் உள்ளவர்கள் யார், கூறப்படும் இந்தத் திருமணத்தின் பின்னணியில் உள்ள உண்மை என்ன குறித்த தகவல்கள் தெளிவாகத் தெரியவில்லை. இந்தச் சம்பவம் குறித்து நிர்வாகத்திடமிருந்தோ அல்லது காவல்துறையிடமிருந்தோ எந்த அதிகாரப்பூர்வ அறிக்கையும் வெளியாகவில்லை.