மகளை பார்க்க வந்த மனைவியை கத்தியால் குத்தி கொலை செய்த கணவர்

ஆந்திராவில் மகளை பார்க்க வந்த மனைவியை கத்தியால் குத்தி கொலை செய்த கணவர் கைது செய்யப்பட்டார்.

ஆந்திர மாநிலம் நெல்லூர்  கோடமிட்டாவைச் சேர்ந்த ஸ்ரீஹரிக்கும், ஆத்மகூருவைச் சேர்ந்த நந்தினிக்கும் (24) சில ஆண்டுகளுக்கு முன்பு திருமணம் நடந்தது. ஸ்ரீஹரி ஒரு தனியார் பேருந்து நிறுவனத்தில் மேற்பார்வையாளராகப் பணிபுரிகிறார். அவர்களுக்கு ஒரு மகள் உள்ளது.  சில மாதங்கள் முன்பு  கருத்து வேறுபாடுகள் மற்றும் ஸ்ரீஹரியின் நடத்தையில் ஏற்பட்ட மாற்றம் காரணமாக இருவரும் பிரிந்தனர். நந்தினி விவாகரத்துக்காக நீதிமன்றத்தை அணுகி பெங்களூருவில் பணிபுரிகிறார். குழந்தை  தந்தையுடன் இருந்ததால், நந்தினி ஸ்ரீஹரியிடம் அவ்வப்போது குழந்தையைப் பற்றிப் பேசுவாள். இந்தச் சூழலில், சனிக்கிழமை அதிகாலையில் பெங்களூருவிலிருந்து நெல்லூருக்கு வந்தார் நந்தினி. குழந்தையிடம் சில மணி நேரம் செலவிட்டு ஸ்ரீஹரியிடம் தன்னை ஆத்மகுரு பேருந்து நிலையத்தில் இறக்கிவிடச் சொன்னார். இதனால் தனது பைக்கில் ஏற்றிச் சென்ற ஸ்ரீஹரி தேசிய நெடுஞ்சாலையில்  மனைவியுடன்  சண்டையில் ஈடுபட்டார். பின்னர் ஏற்கனவே   திட்டத்துடன் தான் கொண்டு வந்த கத்தியால் நந்தினியை கண்மூடித்தனமாக தாக்கினார். பலத்த காயமடைந்த நந்தினி சம்பவ இடத்திலேயே உயிரிழந்தார். 

பின்னர்  ஸ்ரீஹரி சம்பவ இடத்திலிருந்து தப்பி ஓடிவிட்டார். அவ்வழியாக சென்ற வாகன ஓட்டிகள் கொடுத்த தகவலை அடுத்து பாலாஜி நகர் காவல் நிலைய இன்ஸ்பெக்டர்  சாம்பசிவ ராவ் சம்பவ இடத்திற்கு வந்து உடலைப் ஆய்வு பிரேத பரிசோதனைக்காக  நெல்லூர் அரசு மருத்துவமனைக்கு அனுப்பி வைக்கப்பட்டது மனைவியை கொலை செய்து தப்பி ஓடிய ஸ்ரீஹரியைத் தேடும் பணியில்  போலீசார் ஈடுபட்டுள்ளனர்.