மேன்கைண்ட் பார்மா வருவாய் ரூ.2,053 கோடி... லாபம் 50 சதவீதம் வளர்ச்சி..

மேன்கைண்ட் பார்மா நிறுவனம் 2023 மார்ச் காலாண்டில் ஒட்டு மொத்த அளவில் நிகர லாபமாக ரூ.285 கோடி ஈட்டியுள்ளது. 

இந்திய மருந்து நிறுவனமான மேன்கைண்ட் பார்மா தனது கடந்த மார்ச் காலாண்டு நிதிநிலை முடிவுகளை வெளியிட்டுள்ளது. மேன்கைண்ட் பார்மா நிறுவனம் 2023 மார்ச் காலாண்டில் ஒட்டு மொத்த அளவில் நிகர லாபமாக ரூ.285 கோடி ஈட்டியுள்ளது. இது 2022 மார்ச் காலாண்டைக் காட்டிலும் மேன்கைண்ட் பார்மா ஈட்டிய லாபத்தை காட்டிலும்  50 சதவீதம் அதிகமாகும்.

2023 மார்ச் காலாண்டில் மேன்கைண்ட் பார்மா நிறுவனம் செயல்பாட்டு வாயிலான வருவாயாக ரூ.2,053 கோடி ஈட்டியுள்ளது. இது 2022 மார்ச் காலாண்டைக் காட்டிலும் சுமார் 19 சதவீதம் அதிகமாகும். கடந்த 2022-23 முழு நிதியாண்டில் மேன்கைண்ட் பார்மா நிறுவனம் ஒட்டு மொத்த அளவில் நிகர லாபமாக ரூ.1,282 கோடியும், வருவாயாக ரூ.8,749  கோடியும் ஈட்டியுள்ளது.

மும்பை பங்குச் சந்தையில் நேற்று பங்கு வர்த்தகம் நிறைவடைந்தபோது, மேன்கைண்ட் பார்மா நிறுவன பங்கின் விலை முந்தைய வர்த்தக தினத்தை காட்டிலும் 0.25 சதவீதம் குறைந்து ரூ.1,486.50ஆக இருந்தது.