Home இந்தியா இமாச்சல பிரதேசத்தில் ஒருநாள் மாவட்ட துணை கலெக்டராக பணியாற்றிய பியூன் மகள்... கனவு நிஜமானதாக மாணவி சந்தோஷம்...

இமாச்சல பிரதேசத்தில் ஒருநாள் மாவட்ட துணை கலெக்டராக பணியாற்றிய பியூன் மகள்… கனவு நிஜமானதாக மாணவி சந்தோஷம்…

இமாச்சல பிரதேசம் காங்க்ரா மாவட்டத்தில் துணை கலெக்டராக பணிபுரிபவர் 2016ம் ஆண்டு பேட்ஜ் ஐ.ஏ.எஸ். அதிகாரியான ஜடின் லால். அவரது அலுவலகத்தில் பியூனாக (உதவியாளர்) வேலை பார்ப்பவர் தனது மகள் ஹினா தாகூர் பத்தாம் வகுப்பில் தேர்வில் 94 சதவீத மதிப்பெண்கள் பெற்று 34வது இடத்தை பெற்றுள்ள தகவலை அண்மையில் மாவட்ட துணை கலெக்டர் லாலிடம் தெரிவித்தார். இதனையடுத்து ஹினாவை கவுரவிக்க அலுவலகத்துக்கு அழைத்து வரும்படி உதவியாளரிடம் தெரிவித்தார். இதனால் உதவியாளர் தனது மகள் ஹினாவை அலுவலகத்துக்கு அழைத்து வந்து துணை கலெக்டர் லாலிடம் அறிமுகம் செய்து வைத்தார். அப்போது மாவட்ட துணை கலெக்டர் லாலிடம் தான் ஒருநாள் துணை கலெக்டராக பணியாற்ற விரும்புவதாக ஹினா தெரிவித்தார்.

ஒரு நாள் மாவட்ட துணை கலெக்டராக பணியாற்றிய ஹினா தாகூர்

இதனையடுத்து லால் ஹினாவுக்கு ஒரு நாள் துணை கலெக்டராக பணியாற்றும் வாய்ப்பை வழங்க முடிவு செய்தார். அதன்படி, கடந்த வெள்ளிக்கிழமையன்று (நேற்று முன்தினம்) துணை கலெக்டர் அலுவலகத்தில் ஒரு நாள் துணை கலெக்டராக ஹினா பணியாற்றினார். அலுவலகத்தில் ஹினாவுக்கு அருகில் துணை கலெக்டர் லாலும் அமர்ந்து இருந்தார். துணை கலெக்டர் அலுவலகத்தில் அன்று நடந்த அனைத்து அலுவலக மீட்டிங்களையும் துணை கலெக்டர் லால் வழிகாட்டுதல்களின்படி ஹினா நடத்தினார். மேலும், மாவட்ட துணை கலெக்டர் லாலை சந்தித்து தங்களது புகார்களை தெரிவிக்க வந்தவர்களும் ஹினாவை சந்தித்து தங்களது மனுக்களை கொடுத்தனர்.

ஒரு நாள் மாவட்ட துணை கலெக்டராக பணியாற்றிய மாணவி

ஒரு நாள் துணை கலெக்டராக பணியாற்றிய ஹினா இது குறித்து கூறுகையில், இந்த அனுபவம் எனக்கு கனவு நிஜமானது போல் இருந்தது. துணை மாவட்ட கலெக்டர் ஜடின் லால் சார் எனக்கு கனவை காட்டி விட்டார். அதனை நான் நிறைவேற்றுவேன். நான் முதலில் டாக்டராக வேண்டும் என நினைத்தேன் மற்றும் அப்புறம் ஐ.ஏ.எஸ். அதிகாரியாக முடிவு எடுத்து விட்டேன் என தெரிவித்தார். காங்க்ரா மாவட்ட துணை கலெக்டர் லால் கூறுகையில், அவளை பாரட்டுவதற்காக அலுவலகத்துக்கு அழைத்தேன். அவர் ஒரு ஐ.ஏ.எஸ்.அதிகாரியாக மாற விரும்புவதாக என்னிடம் கூறினார். அதனை தொடர்ந்து ஒரு நாளைக்கு அவரை துணை மாவட்ட கலெக்டராக மாற்ற முடிவு செய்தேன். இன்று (வெள்ளிக்கிழமை) ஹினா மாவட்ட துணை கலெக்டராக எல்லா வேலைகளையும் கவனித்து வருகிறார் என தெரிவித்தார்.

மாவட்ட செய்திகள்

Most Popular

அடுத்த 36 மணி நேரத்தில் உருவாகிறது புதிய குறைந்த காற்றழுத்த தாழ்வு பகுதி!

கடந்த 21 ஆம் தேதி வங்கக்கடலில் உருவான காற்றழுத்த தாழ்வு பகுதி, தாழ்வு மண்டலமாக உருவாகி, நிவர் புயல் உருவானது. இதனால் தமிழகம் மற்றும் புதுச்சேரியில் கடந்த 2 நாட்களாக...

முதுநிலை மாணவர்களுக்கு திட்டமிட்டபடி டிசம்பர் 2ம் தேதி கல்லூரிகள் திறக்கப்படும்!

முதுநிலை இறுதி ஆண்டு அறிவியல், தொழில்நுட்பப் பிரிவு மாணவர்களுக்கு திட்டமிட்டபடி டிசம்பர் 2ம் தேதி கல்லூரிகள் திறக்கப்படும் என உயர்கல்வித்துறை அமைச்சர் கே.பி.அன்பழகன் தெரிவித்துள்ளார்.

பொதுத்துறை வங்கி ஏடிஎம்மின் கண்ணாடி உடைப்பு – போலீசார் விசாரணை

திண்டுக்கல் திண்டுக்கல் அருகே பொதுத்துறை வங்கியின் ஏடிஎம் உடைக்கப்பட்ட சம்பவம் பரபரப்பை ஏற்படுத்தி உள்ளது. திண்டுக்கல் - நத்தம் சாலை கோபால்பட்டி பகுதியில் கனரா வங்கி...

நிவர் புயல், மழையால் உயிரிழந்தவர்களின் குடும்பங்களுக்கு தலா ரூ.2 லட்சம் நிவாரணம் – பிரதமர் மோடி

வங்கக்கடலில் உருவான நிவர் புயல் நேற்று முதல்நாள் நள்ளிரவு 2 மணிக்கு மரக்காணம் - புதுச்சேரி இடையே கரையைக் கடந்தது. இந்த புயல் கடலோர மாவட்டங்களையும் புதுச்சேரியையும் கடுமையாக தாக்கும்...
Do NOT follow this link or you will be banned from the site!