2 சிறுமிகளை 6 மாதமாக பாலியல் வன்கொடுமை செய்த கொடூரம் : முதியவர் உள்பட 6 பேர் கைது!

ராசிபுரம் அருகே இரண்டு சிறுமிகளை கடந்த 6 மாதங்களாக பாலியல் வன்கொடுமை நடந்த கொடூரம் அதிர்ச்சியை ஏற்படுத்தியுள்ளது.

பெண்கள் மற்றும் குழந்தைகளுக்கு எதிரான குற்றங்கள் நாளுக்கு நாள் அதிகரித்து வருகிறது. அந்த வகையில் நாமக்கல் மாவட்டம் ராசிபுரம் அருகே 12 மற்றும் 13 வயதான சிறுமிகளை 6 மாதமாக வன்கொடுமை செய்துள்ளனர். இது தொடர்பாக 75 வயது முதியவர் முத்துசாமி உட்பட 6 பேர் போக்சோவில் கைது செய்யப்பட்டுள்ளனர். சிவா, சூர்யா, சண்முகம், மணிகண்டன், செந்தமிழ்செல்வம் ஆகியோரை போலீசார் கைது செய்து விசாரணை செய்து வருகின்றனர்.

சமீபத்தில் திண்டுக்கல் சிறுமி பாலியல் வன்கொடுமை செய்யப்பட்டு கொல்லப்பட்ட வழக்கில் குற்றவாளி கிருபானந்தன் போதிய ஆதாரம் இல்லாததால் விடுதலை செய்யப்பட்டார். இதற்கு தமிழகம் முழுவதும் கடுமையான எதிர்ப்பு கிளம்பியது.

தனது மகளை யார் தான் கொன்றார்கள் என்று சிறுமியின் தாய், தந்தை கதறிய சுவடே இன்னும் மறையாத நிலையில் ராசிபுரம் சம்பவம் அப்பகுதி மக்கள் மத்தியில் அச்சத்தை ஏற்படுத்தியுள்ளது.