கடந்த மார்ச் மாதம் நடைபெற்ற 12 ஆம் வகுப்பு பொதுத்தேர்வின் முடிவுகள் இன்று காலை வெளியாகியது. http://tnresults.nic.in, http://dge1.tn.nic.in, http://dge2.tn.nic.in ஆகிய 3 இணையதளங்களில் தேர்வு முடிவுகளை அறிந்து கொள்ளலாம் என்றும் தெரிவிக்கப்பட்டது. அதே போல, மாணவர்கள் அளித்த மொபைல் எண்ணுக்கும் தேர்வு முடிவுகள் எஸ்.எம்.எஸ் ஆக அனுப்பப்படும் என்று அறிவிக்கப்பட்டுள்ளது. இந்த தேர்வில் 97.12% தேர்ச்சியுடன் திருப்பூர் மாவட்டம் முதலிடத்தையும் 96.99% தேர்ச்சியுடன் ஈரோடு இரண்டாம் இடத்தையும் 96.39% தேர்ச்சியுடன் கோவை மாவட்டம் மூன்றாம் இடத்தையும் பிடித்துள்ளது. இந்த பொதுத்தேர்வில் 2,120 பள்ளிகள் 100% தேர்ச்சியை பெற்றுள்ளன.
இந்த நிலையில் 12 ஆம் வகுப்பு பொதுத்தேர்வு எழுதிய 50 சிறைக் கைதிகள் தேர்ச்சி பெற்றுள்ளனர். மொத்தமாக 62 கைதிகள் தேர்வு எழுதிய நிலையில், 50 கைதிகள் பாஸ் ஆக்கியுள்னர். இது மிகவும் வரவேற்கத்தக்கது.