ஜூலை 31-க்குள் டெல்லியில் 5.5 லட்சம் பேருக்கு கொரோனா தாக்க வாய்ப்பு

டெல்லி: தலைநகர் டெல்லியில் ஜூலை 31-க்குள் 5.5 லட்சம் பேருக்கு கொரோனா தொற்று தாக்க வாய்ப்புள்ளதாக கூறப்படுகிறது.

டெல்லியில் கொரோனா நோய்த் தொற்று தற்போது இரட்டிப்பு வீதமாக பரவி வருகிறது. அதன் அடிப்படையில் பார்த்தால் ஜூலை 31-ஆம் தேதிக்குள் டெல்லியில் கொரோனாவால் பாதிக்கப்பட்டோர் எண்ணிக்கை 5.5 லட்சம் பேராக இருக்கும் என்று துணை முதல்வர் மணீஷ் சிசோடியா தெரிவித்துள்ளார்.

டெல்லியில் ஒவ்வொரு 12-13 நாட்களுக்கும் கொரோனா வழக்குகள் இரட்டிப்பாகி வருகின்றன. ஜூலை 31-க்குள் டெல்லியில் 5.5 லட்சம் கொரோனா வழக்குகள் எதிர்பார்க்கப்படும் என்பதால் அதற்குள் 80 ஆயிரம் படுக்கைகள் தேவைப்படும் என்று கூறப்படுகிறது. டெல்லி அரசின் மதிப்பீடுகளின்படி ஜூன் 15-க்குள் 44,000 கொரோனா வழக்குகளும், ஜூன்-30 க்குள் ஒரு லட்சமும், ஜூலை 15-க்குள் 2.25 லட்சம் கொரோனா வழக்குகளும் பதிவாகும் என்று தெரிவிக்கப்பட்டுள்ளது.