ஈரோடு ஊர்க்காவல் காலிப் பணியிடங்களுக்கு விண்ணப்பிக்கலாம் என்று அறிவிப்பு வெளியிடப்பட்டுள்ளது. அம்மாவட்ட போலீஸ் சூப்பிரண்டு அலுவலக செய்தி குறிப்பில் இந்த அறிவிப்பு வெளியாகி இருக்கிறது.
அந்த அறிவிப்பில், ‘’ஈரோடு மாவட்ட ஊர்க்காவல் படையில் காலியாக உள்ள 40 பணியிடங்களுக்கு தகுதியான விண்ணப்பதாரர்கள் விண்ணப்பிக்கலாம். இந்த 40 பணியிடங்களில் ஆண்களுக்கு 37 பெண்களுக்கு 3 பணியிடங்கள் ஒதுக்கப்பட்டுள்ளன. 20 வயதுக்கு மேற்பட்ட 45 வயதுக்குட்பட்ட பத்தாம் வகுப்பு தேர்ச்சி பெற்று நல்ல உடல் தகுதியுடன் உள்ள விண்ணப்பதாரர்கள் நாளை முதல் வரும் 5 -ந் தேதி வரை விண்ணப்பிக்கலாம்.
ஈரோடு மாவட்ட காவல் அலுவலக வளாகத்தில் இயங்கி வரும் ஈரோடு மாவட்ட ஊர்க்காவல் படை அலுவலகத்தில் காலை 10 மணி முதல் விண்ணப்பங்கள் பெற்றுக் கொள்ளப்படும்’’என்று கூறப்பட்டுள்ளது