பிரதமர் மோடியின் அண்ணன் மகள் சோனல் மோடிக்கு அகமதாபாத் உள்ளாட்சி தேர்தலில் போட்டியிட வாய்ப்பு மறுக்கப்பட்டிருக்கிறது.
பிரதமர் மோடியின் அண்ணன் மகள் சோனல் மோடிக்கு அகமதாபாத் உள்ளாட்சி தேர்தலில் போட்டியிட வாய்ப்பு மறுக்கப்பட்டிருக்கிறது.
குஜராத் பிஜேபி விதியின் படி, உறவினர்கள் பிஜேபி /அரச பதவியில் இருந்தால் தேர்தலில் சீட் கிடையாதாம். சோனல் மோடி பா.ஜ.க உறுப்பினராக பணியாற்றியும் சித்தப்பா மோடி பிரதமராக இருப்பதால் சீட் இல்லை என்று மறுக்கப்பட்டிருக்கிறது.
சோனல் மோடிக்கு அகமதாபாத் உள்ளாட்சி தேர்தலில் போட்டியிட வாய்ப்பு மறுக்கப்பட்ட விவகாரத்தினை பிஜேபியினர் தங்களது டுவிட்டரில் பதிவிட்டு வருகின்றனர்.
குஜராத்தில் உள்ள ஆறு நகராட்சி நிறுவனங்களுக்கான தேர்தல்கள் பிப்ரவரி 21 அன்று நடைபெற உள்ளன. இதேபோல், 231 தாலுகா பஞ்சாயத்துகள், 81 நகராட்சிகள் மற்றும் 31 மாவட்ட பஞ்சாயத்துகளுக்கு வாக்களிப்பு இந்த ஆண்டு பிப்ரவரி 28 ஆம் தேதி நடைபெற உள்ளது.எதிர்வரும் அகமதாபாத் உள்ளாட்சி அமைப்பு தேர்தலில் போட்டியிட சீட் மறுக்கப்பட்டுள்ளது. பாஜகவின் குஜராத் பிரிவு நகராட்சி தேர்தலுக்கான வேட்பாளர்களின் பட்டியலை வெளியிட்டது, அதில் சோனல் மோடியின் பெயர் இடம்பெறவில்லை.
சோனல் மோடி அகமதாபாத்தின் போடக்தேவ் வார்டில் இருந்து குடிமை அமைப்பு தேர்தலில் போட்டியிட சீட் கோரியிருந்தார். சீட் கிடைக்காததால்,
’’எனக்கு டிக்கெட் வழங்கப்படாவிட்டாலும், அர்ப்பணிப்புள்ள தொழிலாளியாக நான் கட்சியில் தீவிரமாக இருப்பேன்’’ என்று தெரிவித்திருந்தார்.
சோனல் மோடி பிரதமர் நரேந்திர மோடியின் சகோதரர் பிரஹலாத் மோடியின் மகள், அவர் நியாயமான விலைக் கடையை நடத்தி வருகிறார். குஜராத் நியாயமான விலைக் கடைகள் சங்கத்தின் தலைவராகவும் உள்ளார்.
இதுகுறித்து பிரஹ்லாத் மோடி, ’’எனது குடும்பம் நரேந்திர மோடியின் பெயரை எங்கள் நலனுக்காக ஒருபோதும் பயன்படுத்தவில்லை. நாங்கள் அனைவரும் எங்கள் சொந்தமாக தொழில் செய்து சம்பாதிக்கிறோம். நான் கூட ஒரு ரேஷன் கடை நடத்துகிறேன்’’ என்று கூறியுள்ளார்.