2.0-வில் மாஸ் மற்றும் ஸ்டைலான ரஜினிகாந்த் : பாராட்டிய பிரபல இயக்குநர்!

நடிகர் ரஜினிகாந்த் நடிப்பில் வெளியாகியுள்ள  2.0 திரைப்படத்தை இயக்குநர் ஏ.ஆர்.முருகதாஸ் பாராட்டி உள்ளார்.

சென்னை: நடிகர் ரஜினிகாந்த் நடிப்பில் வெளியாகியுள்ள  2.0 திரைப்படத்தை இயக்குநர் ஏ.ஆர்.முருகதாஸ் பாராட்டி உள்ளார்.

இயக்குநர் ஷங்கர் இயக்கத்தில், சூப்பர் ஸ்டார் ரஜினிகாந்த் நடிப்பில் கடந்த 4 ஆண்டுகளாக கடும்    
உழைப்பிற்கு மத்தியில் உருவாகி இருக்கும் திரைப்படம்  2.0. இந்த படத்தில் சூப்பர் ஸ்டார் ரஜினிகாந்த் டாக்டர் வசீகரன் மற்றும் சிட்டி கதாப்பாத்திரத்தில் நடித்துள்ளார். ரோபோ சிட்டிக்கு ஜோடியாக இப்படத்தில் ஏமி ஜாக்சன்  நடித்துள்ளார். மேலும் பாலிவுட் நடிகர் அக்‌ஷய் குமார் முக்கியமான கதாபாத்திரத்தில் நடித்துள்ளார். இந்த படம் சமீபத்தில்  வெளியாகி ரசிகர்கள் மத்தியில் பெரும் வரவேற்பை பெற்றுள்ளது. 

இப்படம் குறித்து ரசிகர்கள் மட்டுமல்லாது திரை பிரபலங்களும் பாராட்டி வரும் நிலையில்,  இயக்குநர் ஏ.ஆர்.முருகதாஸ் தனது டிவிட்டர் பக்கத்தில் பாராட்டு உள்ளார். அதில், ‘2.0 திரைப்படம் இந்திய சினிமாவை அடுத்த கட்டத்திற்கு கொண்டு சென்றுள்ளது. மாஸ் மற்றும் ஸ்டைலான ரஜினிகாந்தையும், அக்‌ஷய் குமாரின் சிறப்பான நடிப்பையும் வெகுவாக ரசித்தேன். லைகா மற்றும் இயக்குநர் ஷங்கருக்கு வாழ்த்துக்கள்’ என்று பதிவிட்டுள்ளார்.  

#2point0 has taken Indian cinema to the next level, Enjoyed the mass and Stylish performance of @rajinikanth sir, @akshaykumar acting was excellent and enjoyed the movie thoroughly @shankarshanmugh congratulations to the entire team @LycaProductions @arrahman

— A.R.Murugadoss (@ARMurugadoss) November 30, 2018

அடுத்ததாக நடிகர் ரஜினிகாந்த் ஏ.ஆர்.முருகதாஸ் இயக்கத்தில் நடிக்க இருப்பதாகத் தகவல் வெளியாகியுள்ளது குறிப்பிடத்தக்கது.