கொரோனாவின் கோரப்பிடியில் அதிகம் பாதித்த நாடு அமெரிக்காதான். கொரோனா பரவல் தொடங்கிய நாள் முதலே புதிய நோயாளிகள் அதிகரித்ததும் அமெரிக்காவில்தான். அதிபர் தேர்தலில் முடிவை தீர்மானித்ததிலும் கொரோனாவுக்கு முக்கியப் பங்கு இருக்கிறது என்று சொல்லப்படுகிறது.
இன்றைய தேதி வரை அமெரிக்காவின் மொத்த பாதிப்பு 1,04,21,956 பேர். இவர்களில் 65,52,610 பேர் குணமடைந்துவிட்டனர். சிகிச்சைப் பலன் இல்லாது 2,44,448 பேர் இறந்துவிட்டனர். அமெரிக்காவில் இறப்பு விகிதம் 4 சதவிகிதமாக இருக்கிறது.
டெக்சாஸ் மாகாணத்தில் 10,30,227 பேரும், கலிபோர்னியாவில் 9,83,371 பேரும், ஃப்ளோரிடாவில் 8,47,821 பேரும் கொரோனாவால் பாதிக்கப்பட்டுள்ளனர்.
தினசரி கொரோனா தொற்று உறுதி செய்யப்படும் எண்ணிக்கையும் மிக அதிகளவில் உள்ளது. நேற்று மட்டுமே 1,25,689 பேருக்கு கொரோனா உறுதி செய்யப்பட்டிருக்கிறது. நேற்று மட்டுமல்ல, சில நாட்களாகவே புதிய நோயாளிகளின் எண்ணிக்கை 1 லட்சத்தைக் கடந்தே வருகிறது.