சென்னை: ‘மக்கள் செல்வன்’ விஜய் சேதுபதிக்கு பிரபல மாலில் மெழுகு சிலை வைக்கவுள்ளதாக கூறப்படுகிறது.
‘நடுவுல கொஞ்ச பக்கத்த காணோம்’ பட இயக்குநர் பாலாஜி தரணீதரன் இயக்கத்தில் உருவாகியுள்ள ‘சீதக்காதி’ திரைப்படத்தில் நாடக கலைஞராக வித்தியாசமான தோற்றத்தில் விஜய் சேதுபதி நடித்துள்ளார். இப்படத்தில் ரம்யா நம்பீசன், காயத்ரி, அர்ச்சனா உள்ளிட்ட 5 முக்கிய கதாநாயகிகள் நடித்துள்ள நிலையில், யாரும் விஜய் சேதுபதிக்கு ஜோடியாக நடிக்கவில்லை என கூறப்படுகிறது.
A #Seethakaathi Ayya wax statue to be unveiled tomo evng at EA Mall, Chennai. Wow nice.. #Makkalselvan #Vijaysethupathi and fans, ku oru periya mass moment
— Kaushik LM (@LMKMovieManiac) December 1, 2018
விஜய் சேதுபதி நடிக்கும் 25வது திரைப்படமான ‘சீதக்காதி’ திரைப்படம் கிறிஸ்துமஸ் பண்டிகையை முன்னிட்டு வரும் டிச.20ம் தேதி ரிலீசாகவுள்ளது. இந்நிலையில், இப்படத்தின் புரொமோஷனுக்காக சென்னையில் உள்ள எக்ஸ்பிரஸ் அவென்யூ ஷாப்பிங் மாலில் நடிகர் விஜய் சேதுபதியின் ‘அய்யா’ கேரக்டரில் மெழுகு சிலை வைக்கப்படவுள்ளதாக கூறப்படுகிறது. இந்த மெழுகு சிலை நாளை மாலை திறக்கப்படும் என்று தகவல்கள் தெரிவிக்கின்றன.
விஜய் சேதுபதியின் 25வது படம், ‘நடுவுல கொஞ்ச பக்கத்த காணோம்’ வெற்றிக் கூட்டணி, விஜய் சேதுபதியின் வித்தியாசமான தோற்றம், முதிர்ச்சியான நடிப்பு என ‘சீதக்காதி’ படத்தின் மீதான எதிர்ப்பார்ப்பை அதிகரிக்கச் செய்துள்ளது.