ராஜமௌலி ஷூட்டிங்கில் இணைந்த நடிகர் அஜய் தேவ்கன்…வைரல் போட்டோ!
அல்லுரி சிதாராமாஜு, கொமரம் பீம் என்ற இரண்டு சுதந்திரப் போராட்ட வீரர்களின் வாழ்க்கையை முன்வைத்து 1920-களில் கதை நடைபெறுகிறது.
‘பாகுபலி’ படத்துக்கு பிறகு ராஜமவுலி இயக்கத்தில் உருவாகும் படம் ’ஆர்.ஆர்.ஆர்’. அல்லுரி சிதாராமாஜு, கொமரம் பீம் என்ற இரண்டு சுதந்திரப் போராட்ட வீரர்களின் வாழ்க்கையை முன்வைத்து 1920-களில் கதை நடைபெறுகிறது. இந்தப் படத்தின் மூலம் மஹதீரா படத்துக்கு பிறகு ராம் சரண் – ராஜமவுலி ஆகியோர் இணைந்துள்ளனர். அதேபோல் முதல்முறையாக ஜூனியர் என்டிஆரும், ராம் சரணும் இந்தப் படத்தில் இணைந்துள்ளனர்.மேலும் பிரபல இந்தி நடிகர் அஜய் தேவ்கன், சமுத்திரகனி, ஆலியா பட் உட்பட பலர் இதில் நடிக்கின்றனர்.
படம் இந்தாண்டு ஜூலை 30 ஆம் தேதி, வெளியாக இருந்த நிலையில் தற்போது அக்டோபர் மாதத்திற்கு வெளியீடு தள்ளிப்போயுள்ளது. மேலும் அதிக பொருட்செலவில் பிரமாண்டமாக உருவாகி வரும் இந்தப் படத்தின் தொடக்க விழா கடந்த ஆண்டு நவம்பர் மாதத்தில் துவங்கியது.இந்தப் படத்தில் ஜூனியர் என்.டி.ஆர் ஜோடியாக நடிக்க ஒப்பந்தமாகி இருந்த பிரிட்டீஸ் நடிகை டெய்சி எட்கர் ஜோன்ஸ் திடீரென விலகினார்.
Delighted to welcome you to the world of #RRR dear @ajaydevgn sir pic.twitter.com/9iKRJl11e5
— Jr NTR (@tarak9999) January 29, 2020
இந்நிலையில் ஆர்ஆர்ஆர் படப்பிடிப்பு விறுவிறுப்பாக நடைபெற்று வரும் நிலையில் நடிகர் அஜய் தேவ்கன் ஷூட்டிங்கில் இணைந்துள்ளார்.
இதற்கான புகைப்படங்கள் இணையத்தில் வைரலாகி வருகிறது. இப்படம் தமிழ், தெலுங்கு, இந்தி, மலையாளம் உள்ளிட்ட மொழிகளில் உருவாகி வருவது குறிப்பிடத்தக்கது.