ரஜினி பட ஹீரோயினுடன் டாக்டர் பட்டம் பெற்றார் எடப்பாடி! ‘பொறுப்பு ஜாஸ்தி ஆயிருக்கு’ நெகிழ்ந்த எடப்பாடி!

முகநூல் பதிவுகள், ட்விட்டர், இன்ஸ்டாகிராம் என்று இணையம் முழுக்கவே நேற்றைய தினம் எடப்பாடி தினமாக இருந்தது. ஆமாம்… குறுகிய காலத்திலேயே டாக்டர் பட்டம் பெற்ற முதல்வராக சாதனை செய்துள்ளார் தமிழகத்தின் முதல்வர் எடப்பாடி. உடனே நீட் எக்ஸாம் எழுதினாரான்னு எல்லாம் கேள்வி கேட்க கிளம்பிடாதீங்க..

முகநூல் பதிவுகள், ட்விட்டர், இன்ஸ்டாகிராம் என்று இணையம் முழுக்கவே நேற்றைய தினம் எடப்பாடி தினமாக இருந்தது. ஆமாம்… குறுகிய காலத்திலேயே டாக்டர் பட்டம் பெற்ற முதல்வராக சாதனை செய்துள்ளார் தமிழகத்தின் முதல்வர் எடப்பாடி. உடனே நீட் எக்ஸாம் எழுதினாரான்னு எல்லாம் கேள்வி கேட்க கிளம்பிடாதீங்க.. மருத்துவத்துக்காக படிச்சு பரீட்சை எழுதி டாக்டராகிறது ஒரு வகை. குறிப்பிட்ட ஒரு பாடத்துல தனித்துவமா ஆராய்ச்சி செய்து ஆய்வறிக்கை ஒன்றை சமர்ப்பித்தால் டாக்டர் பட்டம் வழங்கப்படுவது இன்னொரு வகை. இது இல்லாம தருகிற டாக்டர் பட்டம் கெளரவ டாக்டர் பட்டம். இந்த பட்டம் சினிமா, அரசியல், இலக்கியம் முதலிய அகாடமிக் கல்வி சாராத துறைகளில் இயங்குபவர்களைக் கௌரவிக்கும் வகையில் கொடுக்கப்படுவது.  

எம்ஜிஆர் நிகர்நிலைப் பல்கலைக் கழகத்தின் சார்பில் சென்னை வேலப்பன்சாவடியில் உள்ள ஏசிஎஸ் மருத்துவக் கல்லூரியில், நடத்தப்பட்ட 28வது பட்டமளிப்பு விழாவில் தமிழக முதல்வர் எடப்பாடி பழனிசாமிக்கு நேற்று இந்த கௌரவ டாக்டர் பட்டம் வழங்கப்பட்டது.  இதற்கு முன்னதாக முதல்வர்கள் எம்ஜிஆர், கருணாநிதி, ஜெயலலிதா உள்ளிட்ட முதல்வர்களுக்கும், துணை முதல்வராக இருந்த போது ஸ்டாலினுக்கும், அரசியல் கட்சி தலைவர் விஜயகாந்துக்கும், நடிகர்கள் விஜய், விஜயகுமார் ஆகியோருக்கும் ஏற்கனவே டாக்டர் பட்டங்கள் வழங்கப்பட்டுள்ளன. இந்நிலையில் நேற்று இசையமைப்பாளர் ஹாரிஸ் ஜெயராஜ் மற்றும் ரஜினி பட ஹீரோயின் நடிகை ஷோபனா உள்ளிட்டோரோடு சேர்த்து முதல்வர் எடப்பாடியும் டாக்டர் பட்டத்தை வாங்கிட்டாரு!