தொடர்ந்து அடுத்தடுத்து மோதிரங்களை அளவுபார்க்க கேட்டதும், கடுப்பான சுதர்சன், முதலில் விரலில் மாட்டியிருக்கும் மோதிரங்களை கழற்றி வைக்கச் சொல்லிவிட்டு அடுத்த செட் மோதிரங்களை எடுக்க திரும்பியிருக்கிறார். அடுத்த செட் மோதிரங்களை எடுத்துவிட்டு திரும்பிப்பார்த்தவருக்கு அதிர்ச்சி.
சென்னை வியாசர்பாடியில் சுதர்சன் என்பவரின் நகைகடைக்கு நான்கு இளைஞர்கள் வந்திருக்கின்றனர். ஒருவர் மாற்றி ஒருவர் வெவ்வேறு அளவுகளுடைய மோதிரங்களை போட்டுப்பார்த்துள்ளனர். யார் விரலுக்கு மோதிரம், எத்தனை மோதிரம், எத்தனை கிராமில் என எந்த கேள்விக்கும் முறையாக பதில் சொல்லாமல், வெவ்வேறு மோதிரங்களை விரல்களில் மாட்டி அளவுப்பார்ப்பதுபோல் போட்டுக்கொண்டு இருந்திருக்கின்றனர்.
தொடர்ந்து அடுத்தடுத்து மோதிரங்களை அளவுபார்க்க கேட்டதும், கடுப்பான சுதர்சன், முதலில் விரலில் மாட்டியிருக்கும் மோதிரங்களை கழற்றி வைக்கச் சொல்லிவிட்டு அடுத்த செட் மோதிரங்களை எடுக்க திரும்பியிருக்கிறார். அடுத்த செட் மோதிரங்களை எடுத்துவிட்டு திரும்பிப்பார்த்தவருக்கு அதிர்ச்சி. விரலில் மாட்டியிருந்த மோதிரங்களோடு கம்பி நீட்டியிருக்கிறார்கள் வந்தவர்கள். சிசிடிவி காட்சியில் பதிவாகி இருக்கும் இளைஞர்களை அடையாளம் காணும் பணியில் காவல்துறை இறங்கியுள்ளது.