முதன்முறையாக யுவன், இளையராஜா, கார்த்திக்ராஜா மூவரும் ஒரே படத்திற்கு இசையமைக்கிறார்கள்!

 By manikkodimohan Sep 16, 2019, 10:11 IST1568608879000

முதன்முறையாக யுவன், இளையராஜா, கார்த்திக்ராஜா மூவரும் ஒரே படத்திற்கு இசையமைக்கிறார்கள்!

நீண்ட நாட்களுக்கு முன்பே படப்பிடிப்பு முடிந்து விட்டாலும், எப்போது வெளியீடு என்பதே தெரியாமல் இருந்து வருகிறது.

சீனு ராமசாமி இயக்கத்தில் நான்காவது முறையாக விஜய் சேதுபதி நடித்துள்ள படம் ‘மாமனிதன்’. இந்த படத்தில் விஜய் சேதுபதி ஜோடியாக காயத்ரி நடித்துள்ளார். இந்தப் படத்தை, இசையமைப்பாளர் யுவன் ஷங்கர் ராஜா தயாரித்து வருகிறார். ‘பியார் பிரேமா காதல்’ படத்தைத் தொடர்ந்து யுவன் தயாரிக்கும் இரண்டாவது படம் இது. எம்.சுகுமார் ஒளிப்பதிவு செய்ய, ஸ்ரீகர் பிரசாத் எடிட் செய்துள்ளார். இந்த படத்தில் முதல் முறையாக இசையமைப்பாளர்கள்  இளையராஜா, கார்த்திக் ராஜா, யுவன் ஷங்கர் ராஜா ஆகிய மூவரும் இணைந்து இசையமைக்கின்றனர். 

ilaiyaraja

படத்தின் படப்பிடிப்பு தென்காசி, கேரளா உள்ளிட்ட பகுதிகளில் நடைபெற்று முடிந்துள்ளது. நீண்ட நாட்களுக்கு முன்பே படப்பிடிப்பு முடிந்து விட்டாலும், எப்போது வெளியீடு என்பதே தெரியாமல் இருந்து வருகிறது. இன்னும் இறுதிக்கட்டப் பணிகளில் சில முடியவில்லை என்று தெரிகிறது. இந்நிலையில், இளையராஜா குறித்து ட்விட்டரில் நெகிழ்ச்சியான பதிவு ஒன்றைப் பதிவிட்டுள்ளார் யுவன் ஷங்கர் ராஜா. 
“அப்பாவும் நானும் முதன்முறையாக இணைந்து பணியாற்றுகிறோம். இசை ரசிகர்களுக்கு ‘மாமனிதன்’ படத்தின் இசை நிச்சயம் சர்ப்ரைஸாக இருக்கும்” எனத் தெரிவித்துள்ளார்.

 

யுவன் ஷங்கர் ராஜா. மூவரும் இணைந்து இசையமைப்பதால், இந்தப் படத்துக்கு ரசிகர்களிடையே இப்போதே எதிர்பார்ப்பு ஏற்பட்டுள்ளது.

From around the web