நடப்பாண்டின் பொருளாதாரத்திற்கான நோபல் பரிசு வில்லியம் டி.நார்தாஸ், பால் எம்.ரோமர் ஆகிய 2 பேருக்கு கூட்டாக அறிவிக்கப்பட்டுள்ளது
ஸ்டாக்ஹோம் (ஸ்வீடன்): நடப்பாண்டின் பொருளாதாரத்திற்கான நோபல் பரிசு வில்லியம் டி.நார்தாஸ், பால் எம்.ரோமர் ஆகிய 2 பேருக்கு கூட்டாக அறிவிக்கப்பட்டுள்ளது.
உலகின் உயரிய விருதாக மதிக்கப்படுவது நோபல் பரிசு. இயற்பியல், மருத்துவம், அமைதி, வேதியியல், இலக்கியம் உள்ளிட்ட துறைகளில் சிறந்து விளங்கும் மனிதர்களுக்கு இந்தப் பரிசு வழங்கப்பட்டு வருகிறது.
இந்நிலையில் 2018-ஆம் ஆண்டுக்கான நோபல் பரிசுகள் கடந்த 1-ம் தேதி முதல் அறிவிக்கப்பட்டு வருகிறது. அந்த வகையில் பொருளாதாரத்திற்கான நோபல் பரிசுகள் ஸ்வீடன் தலைநகர் ஸ்டாக்ஹோமில் இன்று அறிவிக்கப்பட்டது.
BREAKING NEWS: ⁰The Royal Swedish Academy of Sciences has decided to award the Sveriges Riksbank Prize in Economic Sciences in Memory of Alfred Nobel 2018 to William D. Nordhaus and Paul M. Romer. #NobelPrize pic.twitter.com/xUs6iSyI7h
— The Nobel Prize (@NobelPrize) October 8, 2018
அதன்படி, 2018-ஆம் ஆண்டு பொருளாதாரத்திற்கான நோபல் பரிசு அமெரிக்காவை சேர்ந்த வில்லியம் டி.நார்தாஸ், பால் எம்.ரோமர் ஆகிய 2 பேருக்கு கூட்டாக அறிவிக்கப்பட்டுள்ளது. பருவநிலை மாற்றத்தால் ஏற்படும் பொருளாதார பதிப்புகள் குறித்து ஆய்வு செய்ததற்காக வில்லியம் டி.நார்தாஸிற்கும், பொருளாதரத்தில் தொழிநுட்ப கண்டுபிடிப்புகள் குறித்து ஆய்வு செய்ததற்காக பால் எம்.ரோமருக்கும் நோபல் விருது அறிவிக்கப்பட்டுள்ளது.