பச்சைப் பட்டாணியை பனீருடனே சேர்த்து மசாலா செய்யும் போது வாசமாகவும், சுவையாகவும் இருக்கும்.
பச்சைப் பட்டாணியை பனீருடனே சேர்த்து மசாலா செய்யும் போது வாசமாகவும், சுவையாகவும் இருக்கும். பூரி, சப்பாத்தி, புரோட்டோ போன்ற ரொட்டி அயிட்டங்களுக்கு நல்ல காம்பினேஷன்.
தேவையான பொருட்கள்:
உரித்த பச்சைப் பட்டாணி – 1 கப்
பனீர் -சிறிய சதுரங்களாக நறுக்கியது 1 கப்
வெங்காயம் – நீளவாக்கில் நறுக்கியது 1
தக்காளி – பொடியாக நறுக்கியது 1
இஞ்சி, பூண்டு விழுது – 1 ஸ்பூன்
கரம் மசாலா பவுடர் – 1 ஸ்பூன்
மிளகாய்த்தூள் – 1 ஸ்பூன்
மல்லித்தூள் – அரை ஸ்பூன்
எண்ணெய் – 1 ஸ்பூன்
நெய் – 1 ஸ்பூன்
உப்பு – தேவையான அளவு.
செய்முறை:
பச்சைப் பட்டாணியை தண்ணீர் தெளித்து மைக்ரோ – ஹையில் 4 நிமிடங்கள் வைத்து எடுத்து உப்பு சேர்க்கவும்.
பாத்திரத்தில் எண்ணெய் ஊற்றி வெங்காயத்தைப் போட்டு கிளறி மைக்ரோ – ஹையில் மூன்று நிமிடம் வைக்கவும்.
வெங்காயத்துடன் இஞ்சி, பூண்டு விழுது போட்டு 1 நிமிடம் மைக்ரோ – ஹையில் வைக்கவும். தக்காளியைப் போட்டு 2 நிமிடம் வைக்கவும்.
அதனுடன் மிளகாய்த்துாள், கரம் மசாலா, மல்லித்துாள் சேர்த்து 2 நிமிடம் மைக்ரோ – ஹையில் மூடி வைக்கவும்.
அதனுடன் பட்டாணி சேர்த்து நன்கு கிளறி சிறிதளவு தண்ணீர் சேர்த்து மூடி மைக்ரோ – ஹையில் 5 நிமிடம் வைக்கவும்.
இடையில் கிளறி உப்பு சேர்க்கவும். பனீர் சேர்த்து மூடாமல் மைக்ரோ – ஹையில் 2 நிமிடம் வைக்கவும்.
5 நிமிடங்கள் கழித்துப் பரிமாறவும்.