தேர்தலில் பாதிப்பை ஏற்படுத்துமா பிஎம் நரேந்திர மோடி திரைப்படம்?!

பிரதமர் நரேந்திர மோடியின் அரசியல் பயணம் குறித்த பிஎம் நரேந்திர மோடி திரைப்படம் தேர்தலுக்கு முன்பே வெளியாகவுள்ளது.

மேரி கோம், சர்ப்ஜித் படங்களை இயக்கிய ஓமங் குமார் இயக்கத்தில் உருவாகியுள்ள திரைப்படம் பிஎம் நரேந்திர மோடி (Pm Narendra modi). விவேக் ஓபராய் முன்னணி கதாபாத்திரம் ஏற்று நடித்துள்ள இத்திரைப்படம் வரும் ஏப்ரல் 12-ஆம் தேதி வெளியாகும் என அறிவிக்கப்பட்டிருந்தது. அதாவது மக்களவை தேர்தல் தொடங்கிய மறுநாள், தற்போது ஏப்ரல் 5-ஆம் தேதியே வெளியாகும் என படக்குழுவினர் அறிவித்துள்ளனர்.

மோடி குஜராத்தின் முதல்வராக இருந்தது துவங்கி பிரதமரான வரை இத்திரைப்படம் பேசும் என கூறப்படுகிறது. மோடி முதல்வராக இருந்தபோது நிகழ்த்தப்பட்ட  கோத்ரா ரயில் எரிப்பு பற்றி இதில் படமாக்கப்பட்டுள்ளது. தேர்தலுக்கு முன்பே இந்தப் படம் வெளியாவதால், பாஜக தரப்புக்கு பாதிப்பு ஏற்பட வாய்ப்புள்ளது. பாஜக அரசாங்கம் இந்தப் படத்தை வெளிவர விடாமல் தடுக்கவும் வாய்ப்புள்ளது என கூறப்படுகிறது.