நடிகர் தனுஷ் நடித்து வரும் அசுரன் படத்தில் இரண்டு பாடல்களுக்கு இசையமைத்து முடித்துவிட்டதாக ஜி.வி.பிரகாஷ் தெரிவித்துள்ளார்.
சென்னை: நடிகர் தனுஷ் நடித்து வரும் அசுரன் படத்தில் இரண்டு பாடல்களுக்கு இசையமைத்து முடித்துவிட்டதாக ஜி.வி.பிரகாஷ் தெரிவித்துள்ளார்.
‘வடசென்னை’, ‘மாரி 2’ படங்களின் வெற்றியைத் தொடர்ந்து தனுஷ் தற்போது வெற்றிமாறன் இயக்கத்தில் உருவாகி வரும் ‘அசுரன்’ படத்தில் நடித்து வருகிறார். கலைப்புலி எஸ்.தாணு தயாரிக்கும் இப்படத்தில் தனுஷுக்கு ஜோடியாக மலையாள நடிகை மஞ்சு வாரியர் நடித்துவருகிறார். மேலும் நடிகர் கருணாஸின் மகன் சிறிய வயது தனுஷ் கதாபாத்திரத்தில் நடிக்கவுள்ளதாகக் கூறப்பட்டுள்ளது.
வெக்கை நாவலை அடிப்படையாக வைத்து உருவாகி வரும் இதில் பசுபதி மற்றும் இயக்குநர் பாலாஜி சக்திவேல் முக்கியக் கதாபாத்திரங்களில் நடித்து வருகின்றனர்.
2 tunes nailed for #asuran … ?? excited about the album and the super combo @dhanushkraja @VetriMaaran @theVcreations … superb dance numbers waiting on way for all of u .. #GV71
— G.V.Prakash Kumar (@gvprakash) March 31, 2019
இந்நிலையில் இப்படத்தின் இசையமைப்பாளர் ஜி.வி.பிரகாஷ் தனது ட்விட்டர் பக்கத்தில் பதிவு ஒன்று வெளியிட்டுள்ளார். அதில்,’அசுரன் படத்திற்காக இரண்டு பாடல்களை முடித்துவிட்டதாகவும், அதில் ஒன்று சூப்பர் டான்ஸ் பாடல் என்றும், இந்த பாடலுக்காக காத்திருப்பவர்களுக்கு விரைவில் ஒரு ஆச்சரிய தகவல் உண்டு’ என்று கூறியுள்ளார். ஜி.வி.பிரகாஷின் இந்த பதிவால் தனுஷ் ரசிகர்கள் மிகவும் உற்சாகத்தில் உள்ளனர்.
இதையும் படிங்க: சூப்பர் டீலக்ஸ் பட சர்ச்சை: விஜய்சேதுபதியை உடனே கைது செய்ய வேண்டும்!