‘சிங்கம்’ அஜய் தேவ்கன் போல ஸ்டண்ட் செய்த சப்-இன்ஸ்பெக்டருக்கு காவல்துறை அபராதம் விதிப்பு
‘சிங்கம்’ அஜய் தேவ்கன் போல ஸ்டண்ட் செய்த சப்-இன்ஸ்பெக்டருக்கு காவல்துறை அபராதம் விதித்தனர்.
டெல்லி: ‘சிங்கம்’ அஜய் தேவ்கன் போல ஸ்டண்ட் செய்த சப்-இன்ஸ்பெக்டருக்கு காவல்துறை அபராதம் விதித்தனர்.
அஜய் தேவ்கன் நடித்த ‘சிங்கம்‘ படத்திலிருந்து பிரபலமான ஸ்டண்டை நகலெடுத்து, நகரும் இரண்டு கார்களில் நின்று கொண்டு ஒரு மத்திய பிரதேச போலீஸ் சப்-இன்ஸ்பெக்டரின் துணிச்சலான செயல் வீடியோவாக சமூக வலைதளங்களில் வைரலாக பரவியது. இதனால் தாமோ மாவட்டத்தில் நர்சிங்கர் போலீஸ் பதவியில் இருக்கும் மனோஜ் யாதவுக்கு ரூ.5 ஆயிரம் அபராதம் விதிக்கப்பட்டு எதிர்காலத்தில் இதுபோன்ற செயல்களில் ஈடுபடக் கூடாது என்று அவருக்கு எச்சரிக்கை விடுக்கப்பட்டுள்ளதாக காவல்துறை வட்டாரங்கள் தெரிவித்துள்ளன.
Singham mp police pic.twitter.com/jqtuF1WDwZ
— V Polize (@PolizeV) May 12, 2020
மனோஜ் யாதவ் ஸ்டண்டின் வீடியோ சமூக ஊடகங்களில் வைரலாகியபோது, மூத்த காவல்துறை அதிகாரிகள் அதை தீவிரமாக கவனித்தனர். ஏனெனில் இது இளைஞர்களுக்கு தவறான முன்னுதாரணமாக அமைந்து விடும் என்று அவர்கள் எச்சரித்தனர். சாகர் வரம்பின் இன்ஸ்பெக்டர் ஜெனரல் அனில் சர்மா, டாமோ போலீஸ் சூப்பிரண்டு ஹேமந்த் சவுகானிடம் இது குறித்து விசாரணை நடத்துமாறு உத்தரவிட்டார். விசாரணையின் பின்னர் சப்-இன்ஸ்பெக்டருக்கு அபராதம் விதிக்கப்பட்டது. மேலும் இதுபோன்ற தவறுகளை மீண்டும் செய்ய வேண்டாம் என்று எச்சரித்தார்.