மகர ராசிக்கு ஜோதிட அடிப்படையில் ஐப்பசி மாதம் எத்தகைய நல்ல பலன்களை தரப்போகிறது என்பதினை பற்றி இந்த பதிவில் விரிவாக பார்போம்.
மகர ராசிக்கு அதிபதியாக சனி விளங்குவதால் எதிலும் சாமர்த்தியம் நிறைந்து இருக்கும். எடுக்கின்ற வேலைகளில் கடின உழைப்பு இருக்கும்.
எந்த ஒரு காரியத்திலும் நிதானத்துடன் செயல்படுவீர்கள். குடும்ப உறுப்பினர் இடையே பாசம் மேலோங்கி இருக்கும்.உங்கள் ராசிக்கு 10 –ல் சூரியன், சுக்கிரன்; 10, 11 –ல் புதன்; 11-ல் குரு; 12-ல் சனி; 1 –ல் செவ்வாய், கேது; 7-ல் ராகு உள்ளனர்.
ஐப்பசி மாத ஆரம்பத்தில் மகர ராசியின் யோகாதிபதிகளான புதனும் சுக்கிரனும் பத்தாம் இடத்தில் இணைந்திருப்பது மேன்மைகளை தரும் ஒரு அமைப்பு என்பதால் இந்த மாதம் குடும்பத்தில் சந்தோஷப்படக்கூடிய நிகழ்ச்சிகளும்,தொழிலில் பணவரவு மற்றும் பொருளாதார மேன்மைகளும் உள்ள மாதமாக இருக்கும்.
எட்டுக்குடைய சூரியன் நீசமாவதால் கடந்த காலங்களில் நடந்த பிரச்னைகளில் இருந்து நீங்கள் மீண்டு வரும் மாதமாகவும் இது இருக்கும்.
உங்களில் சிலருக்கு விரும்பிய இடத்தில் வேலை கிடைக்கும். இளைய பருவத்தினர் தங்களின் எதிர்கால வாழ்க்கைத் துணைவரை இந்த மாதம் சந்திப்பீர்கள். சிறிய விஷயங்களால் பிரிந்து இருந்தவர்கள் அதை மறந்து ஒன்று கூடுவீர்கள்.
கடன் தொல்லைகளைத் தவிர்க்க கடன் கொடுத்தவரை நேரில் சந்தித்து தவணை வாங்கி கொள்வது நல்லது. பெண்களுக்கு அலுவலகங்களில் இருக்கும் தொந்தரவுகள் குறைய ஆரம்பிக்கும். அரசு, தனியார்துறை ஊழியருக்கும் காவல் துறையினருக்கும் நன்மைகள் உண்டு.
கலைத்துறையைச் சேர்ந்த அன்பர்களுக்கு புதுப் புது வாய்ப்புகள் தேடி வரும். ஆனால், மாதப் பிற்பகுதியில் சக கலைஞர்களால் மறைமுக எதிர்ப்புகள் ஏற்படக்கூடும் என்பதால் எச்சரிக்கையாக இருக்கவும்.
மாணவ,மாணவியர்க்கு படிப்பில் ஆர்வம் அதிகரிக்கும். தேர்வுகளில் அதிக மதிப்பெண்கள் பெற்று ஆசிரியர் மற்றும் பெற்றோர்களின் பாராட்டுகளைப் பெறுவீர்கள். போட்டி பந்தயங்களில் கலந்துகொண்டு பரிசும் பாராட்டும் பெறுவீர்கள்.
அதிர்ஷ்ட எண்கள் : 2,5,6
அதிர்ஷ்ட கிழமைகள் : செவ்வாய்,புதன்,வெள்ளி
அதிர்ஷ்ட நிறம் : நீலம்
சந்திராஷ்டம நாள்கள்: நவ: 2, 3
பரிகாரம்: தினசரி விநாயகர் அகவல் பாராயணம் செய்வதும் அருகில் உள்ள விநாயகர் கோயிலுக்கு சென்று வருவதும் மிக சிறந்த பரிகாரம் ஆகும்.