“இதுவரை வாக்களித்தோம் கடமைக்கு! இனிமேல் வாக்களிப்போம் நேர்மைக்கு” மதுரையில் ரஜினி ரசிகர்கள் போஸ்டர்கள்!

ரசிகர்கள்  உற்சாகத்துடன் உள்ளனர்.  ஜப்பானிலிருந்தும் ரசிகர்கள் சென்னைக்கு படையெடுத்துள்ளனர். 

இயக்குநர்  ஏ.ஆர். முருகதாஸ் இயக்கத்தில் ரஜினிகாந்த் நடித்துள்ள திரைப்படம் தர்பார். லைகா புரொடக்ஷன்ஸ் தயாரிப்பில் உருவாகியுள்ள இப்படம்  ரசிகர்களுக்குப் பொங்கல்  விருந்தாக நாளை  தமிழகத்தில் வெளியாகவுள்ளது. தமிழ், தெலுங்கு, இந்தி ஆகிய 3 மொழிகளில் உலகம் முழுவதும் 7 ஆயிரம் தியேட்டர்களிலும்,  இந்தியாவில் மட்டும் 4 ஆயிரம் தியேட்டர்களிலும் வெளியாகிறது. இதனால் ரசிகர்கள்  உற்சாகத்துடன் உள்ளனர்.  ஜப்பானிலிருந்தும் ரசிகர்கள் சென்னைக்கு படையெடுத்துள்ளனர். 

இந்நிலையில் தர்பார் கொண்டாட்டம் தமிழகத்தில் களைகட்டியுள்ளது. குறிப்பாக தர்பார் ரிலீசை முன்னிட்டு மதுரையில் ஒட்டப்பட்ட போஸ்டரில், தமிழக வளர்ச்சிக்கு தேவை தென்னிந்திய நதிநீர் இணைப்பு. அதற்கு உன் தர்பார் அமைய மக்கள் தருவார்கள் நல்ல தீர்ப்பு என்றும் இதுவரை வாக்களித்தோம் கடமைக்கு! இனிமேல் வாக்களிப்போம் நேர்மைக்கு என்ற வாசகம் இடம்பெற்றுள்ளது.

முன்னதாக  மணப்பாறையில் ரஜினி மக்கள் மன்றத்தினர் சார்பில் இந்திரா தியேட்டரில் 2021 தமிழக தர்பார் என்று குறிப்பிட்டு  தமிழ்நாடு தலைமை செயலகம் போன்று செட் அமைத்துள்ளது குறிப்பிடத்தக்கது.