இடஒதுக்கீட்டில் பிரச்னை: காங்கிரஸ் கூட்டணியில் இணைந்தார் உபேந்திரா குஷ்வாஹா

 

இடஒதுக்கீட்டில் பிரச்னை: காங்கிரஸ் கூட்டணியில் இணைந்தார் உபேந்திரா குஷ்வாஹா

முன்னாள் மத்திய அமைச்சரும் ராஷ்ட்ரிய லோக் சமதா கட்சியின் தலைவருமான உபேந்திரா குஷ்வாஹா ஐக்கிய முற்போக்கு கூட்டணியில் இணைந்தார்.

புதுடெல்லி: முன்னாள் மத்திய அமைச்சரும் ராஷ்ட்ரிய லோக் சமதா கட்சியின் தலைவருமான உபேந்திரா குஷ்வாஹா ஐக்கிய முற்போக்கு கூட்டணியில் இணைந்தார். 

ராஷ்ட்ரிய லோக் சமதா கட்சி பீகார் மாநிலத்தை அடிப்படையாகக் கொண்டது. இக்கட்சி பாஜக தலைமையிலான தேசிய ஜனநாயக கூட்டணியில் அங்கம் வகித்தது. இந்நிலையில் வரும் 2019ம் ஆண்டு நாடாளுமன்ற தேர்தலில் இக்கட்சிக்கு 2 இடங்கள் மட்டுமே ஒதுக்க முடியும் என பாஜக தெரிவித்ததாகக் கூறப்படுகிறது. 

upendra

இதைத்தொடர்ந்து இடஒதுக்கீட்டில் பிரச்னை எழுந்ததால் அதிருப்தி அடைந்த குஷ்வாஹா சமீபத்தில் மத்திய அமைச்சர் பதவியை ராஜினாமா செய்தார். இதையடுத்து, டெல்லியில் நேற்று காங்கிரஸ் தலைமையிலான பீகார் மெகா கூட்டணியில் அவர் இணைந்தார். 

இதையடுத்து செய்தியாளர்களை சந்தித்த அவர், ‘வெறும் தேர்தலுக்காக மட்டும் ஐக்கிய முற்போக்கு கூட்டணியில் இணையவில்லை. ஐக்கிய முற்போக்கு கூட்டணிக்கும், தங்கள் கட்சிக்கும் ஒரே கொள்கைகள் உள்ளன. அதனால் தான் இந்த முடிவை எடுத்துள்ளோம்’ என்று கூறினார். இந்நிகழ்ச்சியில் லோக்தந்த்ரிக் ஜனதா தள கட்சியின் தலைவர் சரத் யாதவ், ராஷ்ட்ரிய ஜனதா தளம் கட்சியை சேர்ந்த தேஜஸ்வி யாதவ் உள்ளிட்டோர் கலந்து கொண்டது குறிப்பிடத்தக்கது.