மீனிலிருந்து தயார் செய்யப்படும் உணவு வகைகளில் மீன் வறுவல் என்பது பலரின் விருப்பமாக உள்ளது. மீனை வறுவல் செய்யும் போது பெரும்பாலோர் கடைகளில் ரெடிமேடாக உள்ள பொடியை உபயோகப்படுத்துகின்றனர்.
மீனிலிருந்து தயார் செய்யப்படும் உணவு வகைகளில் மீன் வறுவல் என்பது பலரின் விருப்பமாக உள்ளது. மீனை வறுவல் செய்யும் போது பெரும்பாலோர் கடைகளில் ரெடிமேடாக உள்ள பொடியை உபயோகப்படுத்துகின்றனர். ஆனால் இவற்றைப் பயன்படுத்தும் போது அவை உடலுக்குத் தீங்கு விளைவிக்கின்றன. அதைத் தவிர்த்து உடலுக்குத் தீங்கில்லாத வீட்டில் உள்ள பொருட்களைப் பயன்படுத்தி மசாலாவைத் தயார் செய்து சுவையான நெத்திலி மீன் வறுவல் எப்படிச் செய்வது என்பதைக் காணலாம்!
தேவையான பொருட்கள்
- நெத்திலி மீன் – அரை கிலோ
- மிளகாய் தூள் – 25 கிராம்
- மஞ்சள் தூள் – அரை டீஸ்பூன்
- மிளகு தூள் – ஒரு டீஸ்பூன்
- சீரக தூள் – ஒரு டீஸ்பூன்
- உப்பு – தேவைக்கேற்ப
- ஓமம் – கால் டீஸ்பூன்
- கறிவேப்பிலை – சிறிதளவு (பொடியாக நறுக்கியது)
- பூண்டு – ஐந்து பல் (நசுக்கியது)
- தேங்காய் துருவல் – ஒரு டீஸ்பூன்
- சோள மாவு – 25 கிராம்
- அரிசி மாவு – 25 கிராம்
- முட்டை வெள்ளை கரு – அரை முட்டை
செய்முறை
- ஒரு கிண்ணத்தில் நெத்திலி மீன், மிளகாய்த் தூள், மஞ்சள் தூள், மிளகு தூள், சீரக தூள், ஓமம், கறிவேப்பிலை, பூண்டு, உப்பு, தேங்காய் துருவல் சேர்த்து நன்றாக கலந்து கொள்ளவும்.
- பிறகு, அதில் சோள மாவு, அரிசி மாவு, முட்டை வெள்ளைக் கரு சேர்த்து நன்றாகப் பிசைந்து கொள்ளவும்.
- பின், குளிர்சாதனப் பெட்டியில் வைத்து ஒரு மணி நேரம் ஊறவைக்கவும்.
- பிறகு, கடாயில் எண்ணெய் ஊற்றிக் காய்ந்ததும் உதிரிஉதிரியாக போட்டுப் பொன்னிறமாக வறுத்து எடுக்கவும்.