என் ரசிகர்களும் பாராட்ட வேண்டியது இவரைத்தான்! யுவராஜ் சிங் சொல்வது யாரைத் தெரியுமா?

இங்கிலாந்து நாட்டின் வேகபந்து பவுலர் ஸ்டூவர்ட் பிராட் என்றாலே இந்திய ரசிகர்களின் நினைவுக்கு வரும் ஆறு  பந்துகள் என்ன தெரியுமா…

2007 ஆம் ஆண்டில் நடந்த உலககோப்பை டி20 கிரிக்கெட் போட்டியில் பிராட் வீசிய ஓவரில் இந்திய வீரர் யுவராஜ் சிங் 6 பந்துகளையும் சிக்ஸர் விளாசியதுதான். பிராட் இப்போதும் தீவிரமாக பந்து வீசி வருகிறார். சமீபமாக, 500 விக்கெட்களை வீழ்த்தியுள்ளார். இதன்மூலம் 500 விக்கெட்டுகளுக்கு மேல் வீழ்த்திய வீரர்களின் பட்டியலில் இடம்பிடித்து சாதித்தார்.

பிராட்டின் இந்தச் சாதனைக்கு பல்வேறு நாட்டு வீரர்களும் வாழ்த்துகளைத் தெரிவித்துவருகின்றனர்.

இந்திய வீரர் யுவராஜ் சிங், பிராட் பற்றி சிலாகித்தும் வாழ்த்தியும் தனது ட்விட்டரில் பதிவு செய்துள்ளார். ‘ஒவ்வொரு முறை பிராட் பற்றி ஏதாவது எழுதினாலே நான் அவர் ஓவரில் 6 சிக்சர்களை அடித்ததையே பேசுகின்றனர்.

என் ரசிகர்கள் பிராடை பாராட்ட வேண்டும், அவர் ஒரு சாம்பியன் பவுலர். டெஸ்ட் போட்டிகளில் 500 விக்கெட்டுகள் என்பது சாதாரணமல்ல.

இது அவரது மன உறுதி, அர்ப்பணிப்பு மற்றும் திறமைக்குக் கிடைத்த பரிசு. பிராட் நீங்கள் ஒரு சாம்பியன், உங்கள் சாதனை தொடர வாழ்த்துகிறேன்” என்று குறிப்பிட்டுள்ளார்.