Home ஆன்மிகம் புதன் ஓரையில் புதனின் அதிதேவதை மகாவிஷ்ணு வழிபாடு!

புதன் ஓரையில் புதனின் அதிதேவதை மகாவிஷ்ணு வழிபாடு!

உலகில் வாழும் உயிர்கள் அனைத்தையும் காக்கும் கடவுளாக பாற்கடலில் பள்ளி கொண்டிருக்கும் பகவான் மகாவிஷ்ணுவை எல்லா தினங்களும் விரதம் இருந்து வழிபடலாம். பெருமாளுக்குரிய தினங்களான புதன், வெள்ளி மற்றும் சனிக்கிழமைகளில் விரதம் இருந்து, வீட்டில் பெருமாளுக்கு வாசமிக்க மலர்கள் சாற்றி ஏதேனும் இனிப்பு உணவுகளை நைவேத்தியம் வைத்து, பெருமாள் மந்திரங்கள் துதித்து வழிபடுவது கூடுதல் பலன்களை தரும்.

மகாவிஷ்ணுவை வாசுதேவன், நாராயணன், பத்மநாபன், ஸ்ரீனிவாசன், ஜகன்நாதர், விதோபர், ஹரி என்றும் பல்வேறு பெயர்களில் வழிபடுகின்றனர். இவர் நீல நிற மேனியும் கீழ் வலது கையில் கௌமேதகியும் கீழ் இடது கையில் பத்மாவும் மேல் வலது கையில் சுதர்சனமும் மேல் இடது கையில் பாஞ்சஜன்யமும் தாங்கிய தோற்றத்துடன் பக்தர்களுக்கு காட்சியளிக்கிறார். புதன் பகவானின் அதிதேவதை மகாவிஷ்ணு ஆவார்.

புதன் கிழமைகளில் புதன் ஓரையில் மகாவிஷ்ணுவை வழிபடுவது மிகுந்த நற்பலன்களைத் தரவல்லது. புதன் கிழமையன்று புதன் ஓரை என்பது காலை 6 முதல் 7 மணி வரையும் பின்னர் இரவு 8 முதல் 9 மணி வரையும் என்கிறார்கள் ஆச்சார்யர்கள். மகாவிஷ்ணுவின் காயத்ரி மந்திரத்தை நாம் பாராயணம் செய்வதன் பலனாக நாம் செய்யும் தொழில் விருத்தி அடையும், லாபம் பெருகும், வீட்டில் பண பற்றாக்குறை நீங்கி, வாழ்வில் உயர்ந்த நிலையை அடையலாம். விஷ்ணு காயத்ரி மந்திரம்:

ஓம் நிரஞ்சனாய வித்மஹே
நிராபாஸாய தீமஹி
தந்நோ ஸ்ரீனிவாச ப்ரசோதயாத்
ஸ்ரீனிவாச பெருமாளே

எனக்கு சிறப்பான அறிவை தந்து என் உள்ளத்தில் உள்ள இருளை நீக்கி என் மனதை தெளிவு படுத்த உங்களை நான் மனதார வேண்டுகிறேன். இந்த மந்திரத்தை தினம்தோறும் 108 முறை பாராயணம் செய்வதன் பலனாக நம் வாழ்வில் சகல செல்வங்களையும் பெற்று பெரு வாழ்வு வாழலாம்.

  • வித்யா ராஜா

மாவட்ட செய்திகள்

Most Popular

தொழிலதிபர் வீட்டின் பூட்டை உடைத்து 50 சவரன் நகை, பணம் கொள்ளை…

ஈரோடு ஈரோட்டில் தொழிலதிபர் வீட்டின் பூட்டை உடைத்து 50 சவரன் நகைகள் மற்றும் பணம் கொள்ளையடிக்கப்பட்ட சம்பவம் பரபரப்பை ஏற்படுத்தி உள்ளது.

இந்தியாவில் கொரோனா தடுப்பூசி போட்டுக்கொண்ட முதல் நபர் இவர் தான்?

டெல்லியைச் சேர்ந்த தூய்மைப் பணியாளர் ஒருவர் இந்தியாவிலேயே கொரோனா தடுப்பூசி போட்டுக்கொண்ட முதல் நபர் என்ற பெருமையைப் பெற்றுள்ளார். கொரோனாவுக்கு எதிரான உலகிலேயே மிகப்பெரிய தடுப்பூசி...

அலங்காநல்லூர் ஜல்லிக்கட்டில் 12 காளைகளை பிடித்த கண்ணனுக்கு முதல் பரிசு

உலகப் புகழ்பெற்ற அலங்காநல்லூர் ஜல்லிக்கட்டு போட்டியில் 12 காளைகளை பிடித்த விராட்டிபத்து கிராமத்தைச் சேர்ந்த கண்ணனுக்கு முதல் பரிசு வழங்கப்பட்டுள்ளது. மதுரை மாவட்டத்தின் புகழ்பெற்ற அலங்காநல்லூர்...

பழனி சண்முகா நதியில் வினாடிக்கு 3,000 கனஅடி நீர் திறப்பு… கரையோர பகுதிகளுக்கு வெள்ள எச்சரிக்கை…

திண்டுக்கல் பழனி சுற்றுவட்டார பகுதிகளில் பெய்து வரும் தொடர் மழையின் காரணமாக சண்முகா நதியில் வினாடிக்கு 3 ஆயிரம் கனஅடி நீர் திறக்கப்பட்டுள்ளதால், கரையோர பகுதிகளுக்கு...
Do NOT follow this link or you will be banned from the site!