Home ஆன்மிகம் சகல செல்வங்களும் கிட்ட தட்சிணாமூர்த்தி வழிபாடு !

சகல செல்வங்களும் கிட்ட தட்சிணாமூர்த்தி வழிபாடு !

இறைவனே ஞானத்தின் திருவுருவமாகவும், அதைப் போதிக்கும் ஆசானாகவும் திருக்கோலம் தாங்கிய நிலையில் தட்சிணாமூர்த்தியாக அருள்கிறார் என்கின்றன ஞானநூல்கள்.
சிவபெருமானின் யோக, போக, வேதத் திருவடிவங்களில் தென்முகக் கடவுள் யோக வடிவம். ‘தட்சிணா’ என்றால் ‘தென்னன்’ என்று பொருள் கூறுவர். ஆற்றல், ஆளுமை, யோகம், வீரம் ஆகிய பொருள்களையும் அந்தச் சொல் குறிக்கும். தெற்கு அழிவைக் குறிப்பதும், வடக்கு அழியாத அமுத வாழ்வைக் குறிப்பதுமாகும். ஆன்மா வடக்கு நோக்கி வழிபட ஏதுவாக இறைவன் தெற்கு நோக்கி அமர்ந்து அருள் புரிகின்றார். ஆனந்த வடிவமான ஆடல் வல்லானும் அமைதி வடிவான தென்முகக் கடவுளும் தெற்கு நோக்கியே அருள் புரிகின்றனர்.

குரு பகவான் - தட்சிணாமூர்த்திக்கு உள்ள வித்தியாசம் என்ன? || What is the  difference to Dakshinamurthy Guru Bhagwan

தென்முகக் கடவுள் தர்மத்தின் வடிவம். இவரை ‘அறம் பயந்த செல்வர்’ என்றும் சொல்வார்கள்.

தன்பால் அன்பும் உலகத்தின்பால் உவப்பும் உண்டாக்குவார். ஞான யோக நெறியை சனகர், சனந்தனர், சனாதனர், சனத்குமாரர் ஆகிய சனகாதி முனிவர்களுக்கு கற்பிக்கும் பாங்குடன் உலக மக்களுக்கு கற்பித்தருளும் ஞானவடிவமாக திகழ்பவர். ஞானச் செல்வம் மட்டுமல்ல, உலக குருமார்களுக்கு எல்லாம் குருவான தட்சிணாமூர்த்தியை வழிபட, சகல செல்வங்களும் ஸித்திக்கும். தட்சிணாமூர்த்தியை அனுதினமும் வழிபட உகந்த நாட்கள்களாகும். குறிப்பாக குரு வாரமாகிய வியாழக்கிழமை வழிபடுவது விசேஷமாகும்.
ஜாதகத்தில் குரு பலம் இல்லாதவர்கள், நல்ல உத்தியோகத்துக்காக காத்திருப்பவர்கள், உத்தியோகத்தில் சிக்கல்கள் நீங்கவும், கல்வியில் மந்த நிலை மாறவும் விரும்புபவர்கள் சிவப்பெருமானின் அம்சமான தட்சிணாமூர்த்தியை வில்வம் இலைகளால் பூஜித்து,
கொண்டைக்கடலை நைவேத்யம் படைத்து வியாழன் தோறும் வழிபட்டு பலன் பெறலாம் என்பது ஐதீகம்.

தட்சிணாமூர்த்தி சந்நிதிகளில் குருபெயர்ச்சி விழா!- Dinamani

வழிபாட்டு மந்திரங்கள்

ஸ்ரீதட்சிணாமூர்த்தி ஸ்தோத்திரம்
உபாஸகானாம் யதுபாஸனீய
முபாத்தவாஸம் வடசாகமூலே
தத்தாம தாக்ஷிண்யஜுஷா ஸ்வமூர்த்யா
ஜாகர்த்து சித்தே மம போதரூபம்

ஸ்ரீதட்சிணாமூர்த்தி துதிப்பாடல்..

கல்லாலின் புடையமர்ந்து நான்மறை
ஆறு அங்கம் முதற்கற்ற கேள்வி
வல்லார்கள் நால்வருக்கும் வாக்கிறந்த
பூரணமாய் மறைக்கு அப்பாலாய்
எல்லாமாய் அல்லவுமாய் இருந்ததனை
இருந்தபடி இருந்து காட்டிச்
சொல்லாமல் சொன்னவரை நினையாமல்
நினைந்து பவத் தொடக்கை வெல்வாம்.

திருவிளையாடற்புராணத்தில் பரஞ்சோதி முனிவர் அருளிய பாடல் இது.

தட்சிணாமூர்த்தி hashtag on Twitter

தென்முகக் கடவுளை வழிபட்டால், இழந்த பதவி மற்றும் செல்வங்களைப் பெற்று வாழலாம் என்பது ஐதீகம்.
-வித்யா ராஜா

Most Popular

கஷ்டத்தை போக்கி ஆனந்தத்தை தரக்கூடிய ராமேதி ராமா!

கொரோனா பெருந்தொற்று உலகம் முழுவதும் பரவி உலகமே மிக கடுமையான சூழலில் சிக்கித் தவிக்கின்றது. ராம நாமம் கஷ்டத்தை போக்கி அமைதியையும், ஆனந்தத்தையும் தரக்கூடியது. மந்திரங்களில் எளிமையான ஒரு மந்திரம்...

தேவேந்திர பட்னாவிஸ், சஞ்சய் ரவுத் சந்திப்பால் மகாராஷ்டிரா அரசியலில் பரபரப்பு.. சிவ சேனாவை நம்ப முடியாது- காங்கிரஸ்

மகாராஷ்டிராவின் முன்னாள் முதல்வர் தேவேந்திர பட்னாவிஸை சிவ சேனாவின் சஞ்சய் ரவுத் சந்தித்து பேசியது அம்மாநில அரசியல் சர்ச்சையை கிளப்பியுள்ளது. இதற்கிடையே சிவ சேனா நம்பதகுந்தல்ல என காங்கிரஸ் குற்றம்...

பீகார் தேர்தல் நெருங்கும் வேளையில், பா.ஜ.க. கூட்டணியிலிருந்து வெளியேற விரும்பும் பஸ்வான் கட்சி?

பீகார் சட்டப்பேரவை தேர்தல் நெருங்கி வரும் வேளையில், பா.ஜ.க.வின் தேசிய ஜனநாயக கூட்டணியிலிருந்து வெளியேற ராம் விலாஸ் பஸ்வானின் லோக் ஜனசக்தி கட்சி விரும்புவதாக தெரிகிறது. அதேசமயம் இது தொடர்பாக...

ஆட்சிக்கு வந்தால் 10 லட்சம் இளைஞர்களுக்கு வேலை… தேஜஸ்வி யாதவ் வாக்குறுதி… களைகட்டிய பீகார் தேர்தல்

ராஷ்டிரிய ஜனதா தளம் ஆட்சிக்கு வந்தால் 10 லட்சம் பேருக்கு அரசு வேலை வழங்கப்படும் என அந்த கட்சியின் முதல்வர் வேட்பாளரான தேஜஸ்வி யாதவ் தெரிவித்தார்.
Do NOT follow this link or you will be banned from the site!