Home க்ரைம் கிணற்றில் திடீர் விஷவாயு... சிக்கிய தொழிலாளி... மீட்க போக தீயணைப்பு வீரர்!- பதறவைத்த அடுத்தடுத்த மரணங்கள்

கிணற்றில் திடீர் விஷவாயு… சிக்கிய தொழிலாளி… மீட்க போக தீயணைப்பு வீரர்!- பதறவைத்த அடுத்தடுத்த மரணங்கள்

கிணறு தோண்டும் போது ஏற்பட்ட விஷவாயில் கூலித் தொழிலாளி ஒருவர் சிக்கினார். அவரை காப்பாற்றச் சென்ற தீயணைப்பு வீரர் பலியானார். இந்த சோக சம்பவம் பெரம்பலூரில் நடந்துள்ளது.

பெரம்பலூர் மாவட்டம், செல்லியம்பாளையம் கிராமத்தைச் சேர்ந்தவர் முருகேசன். இவர் தனது வயலில் புதிதாக கிணறு தோண்டி வருகிறார். இதே கிராமத்தைச் சேர்ந்த லட்சுமணன் என்பவர் கிணற்றை வெடிவைத்து வெட்டி வருகிறார். சில தினங்களுக்கு முன்பு வெடிவைத்து வைத்து வெட்டியும் தண்ணீர் வராததால் நேற்று காலை 10 மணியளவில் கிணற்றில் சைடு போர் போட்டுள்ளனர் லட்சுமணன். இந்தநிலையில் சைடு போரில் தண்ணீர் வருகிறதா என மதியம் 5 மணியளவில் உள்ளே சென்று பார்த்த அப்பகுதியைச் சேர்ந்த ராதாகிருஷ்ணன் விஷவாயு தாக்கி மயங்கி கிணத்துக்குள் விழுந்துள்ளார். இதனை பார்த்து அவரைக் காப்பாற்ற சென்ற பாஸ்கர் என்பவரும் விஷவாயு தாக்கி விழுந்துள்ளார்.

இதுகுறித்து தகவலறிந்து பெரம்பலூர் தீயணைப்பு துறை வீரர் ராஜ்குமார், தனபால், பால்ராஜ் ஆகியோர் விரைந்து சென்று கிணற்றுக்குள் கயிறு கட்டி இறங்கினர். அவர்களும் கிணற்றுக்குள் மயங்கி விழுந்ததால் பதற்றம் அதிகரித்தது. தகவல் அறிந்து சம்பவ இடத்துக்கு விரைந்து வந்த பெரம்பலூர் மாவட்ட தீயணைப்பு துறை தலைவர் தாமோதரன் தலைமையில் தீயணைப்பு படையினர் ஆக்சிஜன் பெட்டிகளுடன் விரைந்து வந்து கிணற்றுக்குள் மீட்பு பணிகளை மேற்கொண்டனர். ஒரு மணிநேர போராட்டத்திற்கு பிறகு மயங்கிய நிலையில் பாஸ்கரை மீட்டனர்.

கூலித் தொழிலாளர் ராதாகிருஷ்ணன் இறந்துவிட்ட நிலையில் மயக்கமடைந்த 3 தீயணைப்பு வீரர்களில் ராஜ்குமார் மூச்சுத்திணறி உயிரிழந்தார. மீட்கும் பணியில் மயக்கமடைந்த மேலும் 2 தீயணைப்பு வீரர்கள் மருத்துவமனையில் அனுமதிக்கப்பட்டுள்ளனர். விஷவாயு தாக்கியவரை காப்பாற்ற சென்ற தீயணைப்பு வீரர் உயிரிழந்ததோடு, 2 தீயணைப்பு வீரர்கள் மருத்துவமனையில் சிகிச்சை பெற்று வரும் சம்பவம் அப்பகுதியில் பெரும் சோகத்தை ஏற்படுத்தியுள்ளது.

மாவட்ட செய்திகள்

Most Popular

சம்மர் டூர் பிளான் செய்ய நல்ல வாய்ப்பு… குறைந்த கட்டணம் அறிவிப்பு வெளியிட்ட விமான நிறுவனங்கள்!

வரும் கோடைக் காலத்தில் வெளியூர் செல்ல பிளான் போடுகின்றீர்களா... உங்களுக்காகவே மிகக் குறைந்த கட்டண டிக்கெட்டை போட்டிப் போட்டு அறிவித்துள்ளன இன்டிகோஏர் மற்றும் ஸ்பைஸ்ஜெட். இன்டிகோ...

இந்தியில் ரீமேக்காகும் விஜய்யின் மாஸ்டர் ! ரீமேக் உரிமையைக் கைப்பற்றியது யார் தெரியுமா?

தமிழில் வசூல் சாதனைப் படைத்த மாஸ்டர் இந்தியில் உருவாகுகிறது. பெரிதும் எதிர்பார்க்கப்பட்டு தளபதி விஜய் மற்றும் விஜய்சேதுபதி நடித்து ஜனவரி 13-ஆம் தேதி வெளியான மாஸ்டர்...

வெறும் வயிற்றில் எலுமிச்சை சாரு அருந்துவது நல்லதா… கெட்டதா?

காலையில் எழுந்ததும் காபி, டீ, எனர்ஜி டிரிங்க்ஸ் அருந்துவதை பலரும் வழக்கமாக வைத்துள்ளனர். உடலை ஆரோக்கியமாக வைக்க நினைக்கும் பலர் தேன் கலந்த வெந்நீர், எலுமிச்சை நீர், இளநீர், நீராகாரம்,...

நாளை 166 இடங்களில் 19,073 சுகாதாரப்பணியாளர்களுக்கு கொரோனா தடுப்பூசி

தமிழகத்தில் நாளை 166 இடங்களில் சுகாதாரப் பணியாளர்களுக்கு கோவிட் தடுப்பூசி செலுத்தப்படவுள்ளது. இதில் 160 இடங்களில் கோவிஷீல்டு மருந்துகளும் 6 இடங்களில் கோவேக்சினும் வழங்கப்பட உள்ளன.
Do NOT follow this link or you will be banned from the site!